Farg‘onada uy podvalida pangasiuslar boqilayotgan basseyn aniqlandi
Farg‘onada ko‘p qavatli uy podvalida pangasiuslar uchun basseyn tashkil etilgani aniqlandi. Uy egasiga jarima solinib, basseynni buzish topshirildi.
Farg‘onada uy podvalida pangasiuslar boqilayotgan basseyn topildi
Farg‘onadagi ko‘p qavatli uylardan birining podvalida siam akulasi deb ataluvchi baliqlar saqlanayotgan basseyn aniqlandi. Uy aholisidan biri umumiy foydalanishdagi hududning bir qismidan o‘zboshimchalik bilan foydalanib, mazkur basseynni jihozlagan. Bundan tashqari, o‘rnatilgan idishga suv taʼminoti ham qonunga xilof ravishda ulangan.
Qoidabuzarlik Uy-joy kommunal xo‘jaligi sohasida nazorat inspeksiyasi xodimlari tomonidan “Muruvvat” mahallasida o‘tkazilgan reyd davomida aniqlangan. Inspektorlar xonadon egasi podvalning bir qismini to‘sib, suv quvuriga basseyn sifatida foydalanilayotgan katta sig‘imni ulaganini aniqlagan.
Uy aholisiga umumiy mulkdan o‘zboshimchalik bilan foydalanish va ichimlik suvini ruxsatsiz isteʼmol qilish bo‘yicha maʼmuriy huquqbuzarlik to‘g‘risida bayonnomalar rasmiylashtirildi. Qoidabuzarlik Maʼmuriy javobgarlik to‘g‘risidagi kodeksning 163-moddasi 1-qismi bilan tasniflangan.
Fuqaroga jarima tayinlangan. Shuningdek, unga 15 kun ichida basseynni demontaj qilish, podvalning egallab olingan qismini bo‘shatish va xonani dastlabki holatiga keltirish bo‘yicha ko‘rsatma berilgan.
Inspeksiya ko‘p qavatli uylardagi podvallar va boshqa umumiy foydalanishdagi xonalardan qonunchilik talablarini buzgan holda foydalanish mumkin emasligini eslatdi.
Shu bilan birga, basseynda aniqlangan siam akulalari aslida akula turiga kirmaydi. Siam akulasimon somi yoki pangasius — tashqi ko‘rinishi va orqa suzgichining o‘ziga xos shakli tufayli shunday nom olgan chuchuk suv balig‘idir.
Ushbu tur Tailand, Laos, Kambodja va Vyetnamning chuchuk suvli havzalarida yashaydi. Dengiz akulalaridan farqli ravishda, pangasius.