xabarchixabarchiABARCHI
Mahalliy

Farg‘onada 4 kg gashishni 40 ming dollarga sotayotgan shaxs ushlandi

Farg‘onada 4 kg gashishni 40 ming dollarga sotayotgan shaxs qo‘lga olindi

Farg‘ona viloyatining Beshariq tumanida 4 kilogramm gashishni 40 ming AQSH dollariga sotayotgan shaxs ushlangan.

4-sentyabr kuni “Qoradori-2026” keng qamrovli tezkor-profilaktik tadbirlari doirasida viloyat IIB, IIV Tezkor-qidiruv departamenti hamda Davlat xavfsizlik xizmati xodimlari hamkorligida tadbir o‘tkazilgan.

Unda Beshariq tumanida yashovchi, 1991-yilda tug‘ilgan fuqaro xaridorga to‘rt bo‘lakdan iborat, jami og‘irligi 4 kilogramm bo‘lgan gashish giyohvandlik moddasini 40 ming dollarga sotayotgan paytda ashyoviy dalillar bilan qo‘lga olingan.

Tezkor tadbir davomida qora bozordagi qiymati 480 million so‘m deb baholangan giyohvandlik vositasining noqonuniy aylanmasiga chek qo‘yilgan.

Mazkur holat yuzasidan Qo‘qon shahar IIB huzuridagi Tergov bo‘limi tomonidan Jinoyat kodeksining 273-moddasi bilan jinoyat ishi qo‘zg‘atilgan.

Natijada qariyb 2 kilogramm giyohvandlik vositalarining aholi orasida tarqalishining oldi olingan.

jinoyat ishigiyohvandlikqo‘lga olishtezkor tadbirfargʻonabeshariqnarkotik savdosigashish

xabarchi’da cookie fayllari

Til va mavzu tanlovingizni eslab qolish hamda hozir saytni nechta odam o‘qiyotganini sanash uchun cookie fayllaridan foydalanamiz — bu hisob anonim, faqat brauzeringiz ochiq turganda saqlanadi va na siz bilan, na boshqa tashrif bilan bog‘lanmaydi. Ruxsatingiz bilan sayt qanday o‘qilishini ham o‘lchaymiz: Microsoft Clarity sahifa ko‘rishlari va ulardagi harakatlarni yozib boradi, o‘z hisobimiz esa qaytgan o‘quvchilarni sanaydi. Sizni tashriflar orasida taniydigan hech narsa siz qabul qilmaguningizcha o‘lchanmaydi.