Farg'ona viloyatida quritilgan o'rikni qayta ishlash kengaytiriladi
Farg‘ona tumanining Chimyon va Mindon qishloqlarida istiqomat qiluvchi aholi asosan o‘rik yetishtirish bilan shug‘ullanadi. Ayniqsa, bu hududda quritiladigan o‘rik mahsulotlari nafaqat ichki bozorda, balki xorijda ham xaridorgir.
Farg‘ona viloyatida quritilgan o‘rikni qayta ishlash hajmi kengaytiriladi.
Farg‘ona tumanining Chimyon va Mindon qishloqlari aholisi asosan o‘rik yetishtirish bilan shug‘ullanadi. Bu hududda quritilgan o‘rik mahsulotlari ichki va tashqi bozorlarda katta talabga ega.
Endilikda ushbu mahsulotlarni zamonaviy usullar asosida qayta ishlash, ularga qo‘shimcha qiymat berish va eksportga yo‘naltirilgan brendga aylantirishga alohida e’tibor qaratilmoqda.
Chimyon qishlog‘ida quritilgan o‘rikni qayta ishlashga ixtisoslashgan “Farg‘ona agro star” agromajmuasi qurilmoqda. Viloyat hokimi Xayrullo Bozorov qurilish jarayonini ko‘zdan kechirdi.
50 milliard so‘mlik loyiha doirasida yiliga 10 ming tonna o‘rikni qayta ishlash yo‘lga qo‘yiladi va 200 dan ortiq yangi ish o‘rni yaratiladi.
Loyiha hududda yetishtirilayotgan o‘rik va quritilgan o‘rik mahsulotlarini zamonaviy texnologiyalar asosida qayta ishlash orqali qo‘shimcha qiymat yaratish, tayyor mahsulot turlarini ko‘paytirish va eksport salohiyatini oshirishni maqsad qilgan.
Agromajmuani joriy yil oktyabr oyida ishga tushirish rejalashtirilgan.
Viloyat hokimi qurilish ishlarini sifatli tashkil etish va loyihani belgilangan muddatlarda yakunlash bo‘yicha mas’ullarga tegishli topshiriqlar berdi.