Eron rahbari harbiy qo‘mondonlar tarkibida o‘zgarishlar qildi
Eron oliy rahbari Mujtaba Xominaiy mamlakat Qurolli Kuchlari, Islom inqilobi qo‘riqchilari korpusi va “Basij” harbiylashtirilgan tuzilmasiga olti nafar yangi qo‘mondon tayinladi.
Eron rahbariyati harbiy qo‘mondonlar tarkibida o‘zgarishlar amalga oshirdi.
Jumladan, general Ali Abdullohiy Eron Qurolli Kuchlari Bosh shtabining yangi boshlig‘i lavozimiga tayinlandi.
General-mayor Ahmad Vohidiy esa Islom inqilobi posbonlari korpusining yangi bosh qo‘mondoni etib belgilandi.
Fox News harbiy ekspertlarga tayanib xabar berishicha, bu o‘zgarishlar Tehronning Vashington bilan ziddiyatni hal etishga emas, balki "uzoq muddatli qarama-qarshilikka" tayyorlanayotganidan dalolat beradi.
"Yangi tayinlovlar haqidagi bayonotlar, jumladan, ingliz tilida ham e’lon qilindi", — dedi Yaqin Sharq bo‘yicha ekspert Umar Muhammad. — "Tehron biror narsani (Ho‘rmuz bo‘g‘ozida kemalar harakati to‘g‘risidagi kelishuvlarni) imzolashdan avval joylarda yangi qo‘mondonlik tuzilmasini shakllantirmoqda".