Energetika yo‘nalishida xorijda o‘qish uchun 50 nafar yoshga davlat granti ajratiladi
Dunyodagi yetakchi universitetlarda o‘qish uchun esa har yili 50 nafar yoshga grant beriladi.
Energetika yo‘nalishida xorijda o‘qish uchun 50 nafar yoshga davlat granti ajratiladi
Prezident yangi energetika obyektlarining samarali faoliyati malakali mutaxassislarga bog‘liqligini ta’kidladi. Saudiya Arabistonining «ACWA» kompaniyasi Qoraqalpog‘iston, Buxoro va Sirdaryodagi texnikumlarni jihozlab, har yili yuzlab yoshlarni energetikaning yangi yo‘nalishlari bo‘yicha o‘qitishni boshlamoqda.
Prezident boshqa investorlarni ham o‘z loyihalari uchun xalqaro talablarga mos mutaxassislar tayyorlash jarayonida ishtirok etishga chaqirdi. Shu kabi tashabbuslarni qo‘llab-quvvatlash maqsadida investorlarga hududlardagi texnikumlarni boshqaruvga berishga tayyorlik bildirildi.
Kelasi o‘quv yilidan mahalliy oliy ta’lim muassasalarida energetika yo‘nalishlari bo‘yicha qabul kvotalari oshiriladi. Shuningdek, har yili 50 nafar yoshning dunyoning yetakchi universitetlarida tahsil olishi uchun davlat granti ajratiladi.