Dubayda dam olish qanchaga tushadi?
Soʻnggi bir necha yil ichida Vera Dubayda sakkiz marta boʻldi va shu vaqt ichida shaharni yaxshigina oʻrganib oldi. U turli tumanlar va mehmonxonalarni almashtirdi, transportning har xil turlaridan foydalandi, turli koʻngilochar mashgʻulotlarni sinab koʻrdi va xarajatlarni solishtirdi. Ushbu maqolada u oʻz tajribasi bilan ulashadi hamda sayohatni rejalashtirayotganda nimalarga pul ajratish kerakligini aytib beradi.
Dubayda dam olish qancha turadi?
Toshkentdan Dubayga aviachipta narxi safar sanasi va aviakompaniyaga qarab o‘zgaradi. Masalan, 28-sentabrdan 4-oktabrgacha bo‘lgan safar uchun eng arzon borish-qaytish chiptasi taxminan 3,6 mln so‘mni tashkil etadi. To‘g‘ridan-to‘g‘ri reysni 3,66 mln so‘mdan topish mumkin, Uzbekistan Airways chiptasi esa shu sanalarda taxminan 4,38 mln so‘m turadi.
Veraning safarlari davomida bir tomonga aviachipta narxi taxminan 1,5 mln so‘mdan boshlangan, biroq tig‘iz mavsumda chiptalar odatda qimmatroq bo‘ladi.
O‘zbekiston fuqarolari uchun Dubayga borishda viza talab qilinmaydi. BAA hududida 30 kungacha vizasiz qolish mumkin.
Agar mustaqil sayohat qilsangiz, turistik sug‘urtani oldindan rasmiylashtirish tavsiya etiladi. 7–10 kunlik polis sug‘urta kompaniyasi va qoplash summasiga qarab odatda 70–200 ming so‘m turadi. Turpaket xarid qilinganda esa sug‘urta narxga kiritilgan bo‘ladi.
Mening fikrimcha, Dubayga borish uchun eng yaxshi vaqt — aprel va sentabr: bu paytda jazirama issiq bo‘lmaydi, dengiz iliq bo‘ladi. Shahar bo‘ylab sayr qilish, plyajda dam olish uchun qulay.