Dubay shayxidan qochib ketgan malika Hayya bintu al-Husayn hozirda qanday hayot kechiryapti?

Dubay shayxidan qochib ketgan malika Hayya bintu al-Husayn hozir qanday yashamoqda?

Odatda malikalar hashamat va farovonlik ichida, ayniqsa sevgan shahzodasi bilan baxtli umr kechiradi, deb tasavvur qilinadi. Biroq Dubay hukmdori shayx Muhammad bin Rashid al-Maktumdan qochib ketgan malika Hayyaning hayoti bu tasavvurga mutlaqo mos kelmaydi. Uning qochishiga nima sabab bo‘lgan va malika nimalarni boshdan kechirgan?

U turmushga chiqishidan avval faol hayot kechirgan: Oksfordni tamomlagan, bir nechta tillarni o‘rgangan va Olimpiya o‘yinlarida ot sporti bo‘yicha qatnashgan birinchi arab ayol bo‘lgan. Ana shu musobaqalardan birida u bo‘lajak turmush o‘rtog‘i — Dubay shayxi Muhammad bilan tanishgan.

Hayya Iordaniyaning amaldagi qirolichasi Raniya kabi G‘arb an’analari asosida tarbiya olgan edi, shu sababli malika faol ommaviy hayotini davom ettirishni xohlagan, ammo shayx oilasi bunga qarshi bo‘lgan. Hayya faqat xayriya ishlari va ijtimoiy loyihalarda faol bo‘lib qolgan, biroq bu ishlar shayx bilan o‘rtadagi kelishmovchiliklarni yanada kuchaytirgan.

Natijada 2019-yilda malika Dubaydan 11 yoshli qizi va 7 yoshli o‘g‘li bilan qochib ketgan. Ayrim manbalar uning qirollik oilasidan 35 million yevro olib chiqib ketganini da’vo qilgan.

Shayx Muhammad uni qaytarish maqsadida Germaniya sudiga bolalarni berishni talab qilib da’vo arizasi bilan murojaat qilgan, ammo Germaniya buni qat’iyan rad etgan. Keyinchalik Hayya Buyuk Britaniyaga ko‘chib kelgan. Hozir malika London shahrida jamoatchilikdan yiroq joylarda 18 yoshli qizi va 13 yoshli o‘g‘li bilan sokin hayot kechirmoqda.