Davlat aktivlari agentligi Qoraqalpogʻistonning och qolganlariga «qarmoq» beradimi?
Davlat aktivlarini boshqarish agentligi rahbarligida Qoraqalpogʻistonning Chimboy, Taxiatosh, Xoʻjayli va Shumanay tumanlarida bandlikni oshirish, aholini tadbirkorlikka jalb etish va pirovardida kambagʻallikni qisqartirishga qaratilgan manzilli chora-tadbirlar kompleksi amalga oshirilmoqda. Bu haqda idora axborot xizmati xabar beradi. Birinchi bosqichda mutasaddilar koʻmakka muhtoj oilalar, shuningdek, ishsiz fuqarolarning ahvolini oʻrganmoqda. Bu borada […]
Davlat aktivlari agentligi Qoraqalpogʻistonning ehtiyojmand aholisiga «qarmoq» beradimi?
Davlat aktivlarini boshqarish agentligi rahbarligida Qoraqalpogʻistonning Chimboy, Taxiatosh, Xoʻjayli va Shoʻmanoy tumanlarida bandlikni oshirish, aholini tadbirkorlikka jalb etish va pirovardida kambagʻallikni qisqartirishga qaratilgan manzilli chora-tadbirlar kompleksi amalga oshirilmoqda.
Dastlabki bosqichda mutasaddilar koʻmakka muhtoj oilalar, shuningdek, ishsiz fuqarolarning ahvolini oʻrganmoqda. Bunda nafaqat daromadlar, balki muayyan oilaning qiyinchiliklari, uning aʼzolari koʻnikmalari, qiziqishlari va daromad olish imkoniyatlari ham hisobga olinmoqda.
Bunday oʻrganish yakunlari boʻyicha individual rivojlanish rejalari tuzilmoqda. Kimgadir talab yuqori boʻlgan kasbni egallash, boshqasiga — tadbirkorlik bilan shugʻullanish, uchinchisiga esa — imtiyozli moliyalashtirish olish yoki doimiy ishga joylashish taklif etilmoqda.
Alohida yoʻnalish bevosita joylarda qoʻshimcha daromad manbalarini izlash bilan bogʻliq. Xususan, tomorqa va ijaraga olingan yerlardan yanada samarali foydalanish, mahallalarda daromad keltiruvchi loyihalarni ishga tushirish va oilaviy tadbirkorlikni rivojlantirishga eʼtibor qaratilmoqda.
Oddiyroq aytganda, yondashuv mantiqi shundan iboratki: oilaga shunchaki yordam koʻrsatish emas, balki uning mustaqil ravishda daromad topishi uchun sharoit yaratishdir.
Agentlik tomonidan eʼlon qilingan maqsad — yangi ish oʻrinlarini yaratish, barqaror daromad manbalarini kengaytirish va oilalarning iqtisodiy faolligini oshirishdir. Agar ushbu chora-tadbirlar haqiqatan ham barqaror daromad paydo boʻlishiga olib kelsa, dastur Qoraqalpogʻistonda kambagʻallikni qisqartirish vositalaridan biriga aylanishi mumkin.
Biroq asosiy savol amaliy boʻlib qolmoqda: ehtiyojmand oilalar mustaqil daromad topish uchun haqiqiy mexanizmga ega boʻladimi? Ushbu ishlarning natijalari oʻtkazilgan uchrashuvlar va oʻrganilgan oilalar soni bilan emas, balki qancha qoraqalpogʻistonlik oila haqiqatan ham koʻproq va barqarorroq daromad olish imkoniyatiga ega boʻlgani bilan baholanishi kerak.