“Dars” filmining taqdimoti o‘tkaziladi
Film Kontent markazi hamda “MA’NO CINEMA” hamkorligida suratga olingan
“Dars” filmining taqdimoti o‘tkaziladi
Joriy yilning 24-sentyabr kuni soat 18:00 da O‘zbekiston Milliy kino san’ati saroyida “Dars” badiiy filmining premerasi bo‘lib o‘tadi.
1-oktyabr — O‘qituvchi va murabbiylar kuni munosabati bilan o‘qituvchilik kasbi nufuzini oshirish, kitobxonlik madaniyatini yuksaltirish hamda ma’rifat g‘oyalarini keng targ‘ib etish maqsadida yaratilgan.
Kontent markazi hamda “MA’NO CINEMA” hamkorligida suratga olingan.
Filmda yoshlar orasida kitobxonlik, ma’rifat va mutolaa madaniyatini targ‘ib etish g‘oyalari bosh qahramon — Oyqiz obrazi orqali yoritilgan. Shuningdek, ustozning inson kamolotidagi beqiyos o‘rni, ustoz-shogird an’analari, ta’lim-tarbiyaning ahamiyati hamda milliy qadriyatlar asosiy g‘oya sifatida ilgari surilgan.
Filmda insoniylik, mehr-oqibat, milliy qadriyatlar va ustoz-shogird munosabatlari samimiy va hayotiy voqealar orqali talqin etilgan.
25-sentyabrdan yurtimiz kinoteatrlarida namoyish etiladi.