Daniyada o‘qituvchilar «jismoniy kuch» ishlatishiga ruxsat berilishi kutilmoqda
Mamlakat maktablarida tajovuzkor va tartibbuzar o‘quvchilar ko‘payib boryapti
Daniyada o‘qituvchilarga «jismoniy kuch» qo‘llashga ruxsat berilishi mumkin
Daniya parlamenti muhokama qilayotgan yangi qonun loyihasiga ko‘ra, ayrim holatlarda o‘qituvchilarga o‘quvchilarga nisbatan «jismoniy kuch» ishlatishga izn berilishi mumkin.
Qonun qabul qilinsa, o‘qituvchilar muayyan vaziyatlarda o‘quvchilarni jismonan to‘xtatib qolish yoki ular qarshilik ko‘rsatsa ham sinfdan olib chiqib ketish huquqiga ega bo‘ladi.
Vazirning izohiga ko‘ra, bunday choralar faqat o‘quvchilar «o‘zi yoki atrofdagilar hayotiga xavf tug‘dirgan» yoki dars jarayonini «jiddiy ravishda buzgan» hollardagina qo‘llanadi. Alohida qayd etilishicha, bu o‘quvchilarni kaltaklash yoki jismoniy jazolashni anglatmaydi.
«Vaziyat keskinlashganda nima qilish kerakligi haqida o‘qituvchilarda hech qanday shubha qolmasligi kerak. Zo‘ravonlikning oldini olgani uchun ishdan bo‘shab ketishdan qo‘rqadigan birorta ham pedagog bo‘lmasligi shart»,
Mazkur qonun loyihasi mamlakat maktablarida o‘quvchilar orasida tajovuzkorlik va tartibbuzarlik holatlari ortib borayotgani sababli tayyorlangan.
Daniya mehnat inspeksiyasi o‘tkazgan so‘rovnomada qatnashgan pedagoglarning to‘rtdan bir qismidan ko‘prog‘i so‘nggi paytlarda bolalarning beboshliklariga tez-tez duch kelayotganini aytgan. Deyarli har beshta sinfdan bittasida o‘qituvchilarga nisbatan zo‘ravonlik holatlari kuzatilmoqda.