Chilonzorda skuter va Nexia-3 toʻqnashdi
22-sentabr kuni Toshkentning Chilonzor tumanida Drongo rusumli skuter va Nexia-3 avtomobili ishtirokida yoʻl-transport hodisasi sodir boʻldi. Holat yuzasidan surishtiruv olib borilmoqda.
Chilonzorda skuter va Nexia-3 toʻqnashuvi yuz berdi
Toshkent shahar IIBB YHXB axborot xizmati bergan maʼlumotga koʻra, hodisa soat 14:00 larda Afrosiyob va Beshyogʻoch koʻchalari kesishmasida sodir boʻlgan.
1983-yilda tugʻilgan haydovchi Drongo skuterida chorrahadan chapga burilayotgan paytda asosiy yoʻldan kelayotgan Nexia-3 avtomobili bilan toʻqnashgan. Avtomobilni 2004-yilda tugʻilgan haydovchi boshqargan.
Rasmiy axborotda hodisa oqibatida jabrlanganlar bor-yoʻqligi haqida maʼlumot keltirilmagan.
Hozirda Toshkent shahar IIBB YHXB masʼul xodimlari holat yuzasidan surishtiruv ishlarini olib bormoqda.