BYD tormoz pedalidagi nosozlik sabab qariyb 200 mingta elektromobilni chaqirib olmoqchi

BYD tormoz pedalidagi nuqson sabab qariyb 200 ming elektromobilni chaqirib oladi

Xitoyning elektromobil ishlab chiqaruvchisi BYD tormoz pedalida aniqlangan nosozlik tufayli qariyb 200 ming avtomobilni qaytarib oladi. Muammo 2014–2022-yillar oraligʻida ishlab chiqarilgan mashinalarga tegishli. Kompaniya nuqsonni bepul bartaraf etishini bildirdi.

BYD shu yillarda ishlab chiqarilgan 183 211 ta Tang krossoveri va Qin sedanini chaqirib oladi. SAMR maʼlumotiga koʻra, muammo tormoz pedalining cheklovchi qoplamalarida (stopper pad) aniqlangan. Maʼlum bo‘lishicha, bu qismlar yorilib ketishi yoki joyidan siljishi mumkin. Ayrim holatlarda shu sabab tormoz pedali bosilmagan bo‘lsa ham, stop-chiroqlar uzluksiz yonib turishi ehtimoli bor. Regulyatorning aytishicha, bunday nuqson yo‘l harakatining boshqa ishtirokchilarini chalg‘itib, avariya xavfini keltirib chiqarishi mumkin.

BYD barcha avtomobillardagi nosoz detalni vakolatli dilerlar orqali bepul almashtirib berishini maʼlum qildi.

Bu nosozlik rul kuchaytirgichining ishdan chiqishiga ham olib kelishi mumkin. Ular ham muammoni bepul bartaraf etishga vaʼda bergan.

Bundan avval, 2025-yil oktyabr oyida BYD oʻz elektromobillarini keng ko‘lamda chaqirib olishni boshlagandi. O‘shanda yong‘in chiqishiga sabab bo‘luvchi xavfsizlik muammolari tufayli 115 mingta mashina servisga qaytarilishi aytilgan. Bundan tashqari, akkumulyatorlarda nosozliklar yuzaga kelib, ularning quvvati pasaygan. Reuters o‘sha holatni BYD tarixidagi eng yirik chaqirib olish deb atagandi.