Burak O‘zchivit plyajdagi suratlari sabab tanqidlar markazida qoldi

Burak O‘zchivit plyajda suratga tushgani uchun tanqidlar ostida qoldi. Turkiyalik paparatsilar aktyorni rafiqasi Faxriya Evjen va o‘g‘illari bilan Bodrum plyajlarida dam olayotgan paytida suratga olishdi. Suratlarda aktyorning avvalgi qomatidan hech narsa qolmaganini, uning o‘rnini esa ancha katta qorin egallaganini ko‘rish mumkin.

O‘zchivitning tanqidchilari uni dangasalikda va o‘ziga e’tibor bermaslikda ayblashdi. “Qani o‘sha maqtalgan ideal qomat?”, “Bo‘ldi, qaribdi, millionlarini ishlab topib, o‘zini bo‘sh qo‘yib yuboribdi”, deb yozishmoqda ular.

Biroq, aktyorning sodiq muxlislari uni himoya qilib, Burakning bir necha yildan beri ta’til paytida vazn yig‘ishini, lekin keyin tezda o‘z formasiga qaytishini ta’kidlashdi. O‘tgan yili ham shunday holat kuzatilgan va aktyor o‘z dam olish paytida biroz erkinlik berishini aytgandi. Hozirda turk seriallari muxlislari ikkiga bo‘lingan: ba’zilari mashhur aktyorlar ta’tilda ham mukammal ko‘rinishga majbur deb hisoblashsa, boshqalari esa ularning ham oddiy odamlar ekanini va vaznning o‘zgarishi tabiiy hol ekanini, eng asosiysi, bu ularning ijrosiga ta’sir qilmasa bo‘lishini aytishmoqda.