Bugun O‘zbekistonda harorat 15 darajagacha tushishi mumkin
Faqat Farg‘ona vodiysida yomg‘ir yog‘adi, ayrim joylarda yog‘ingarchilik kuchli bo‘lishi mumkin
Bugun O‘zbekistonda harorat 15 darajagacha pasayishi mumkin
«O‘zgidromet» ma’lumotiga ko‘ra, bugun O‘zbekiston bo‘ylab havo o‘zgaruvchan bo‘ladi, yog‘ingarchilik kutilmaydi, faqat Farg‘ona vodiysida yomg‘ir yog‘adi, ayrim hududlarda u kuchli bo‘lishi mumkin. Ba’zi joylarda tuman tushishi ehtimoli mavjud. G‘arbdan sekundiga 7–12 metr tezlikda shamol esadi, ayrim hududlarda shamol 13–18 metr/sekundgacha kuchayishi mumkin. Harorat 15–20 daraja atrofida bo‘ladi.
Toshkent shahrida ham havo o‘zgaruvchan bo‘ladi, yog‘ingarchilik kutilmaydi. G‘arbdan sekundiga 3–8 metr tezlikda shamol esadi. Harorat 17–19 daraja bo‘ladi.
Respublikaning tog‘oldi va tog‘li hududlarida havo o‘zgaruvchan bo‘ladi, ayrim joylarda yomg‘ir yog‘adi, ba’zi hududlarda yog‘ingarchilik kuchli bo‘lishi mumkin. Momaqaldiroq bo‘lishi ehtimoli bor. Baland tog‘larda yog‘ingarchilik qorga aylanishi mumkin. Ayrim joylarda tuman tushishi ehtimoli mavjud. Sel va suv toshqini hodisalari yuzaga kelishi mumkin. G‘arbdan sekundiga 7–12 metr tezlikda shamol esadi, ayrim joylarda 13–18 metr/sekundgacha kuchayishi mumkin. Harorat 10–15 daraja bo‘ladi.