Bugun ayrim hududlarda harorat 36 darajagacha tushishi kutilmoqda
Janubiy hududlarda havo harorati 43 darajagacha ko‘tarilishi mumkin
Bugun mamlakatning ayrim hududlarida havo harorati 36 darajagacha pasayishi prognoz qilinmoqda.
"O‘zgidromet" xabariga ko‘ra, bugun kunduzi yog‘ingarchilik kutilmaydi. Shamol tezligi 7-12 m/s ni tashkil etadi, ayrim joylarda esa 13-18 m/s gacha kuchayishi, shuningdek, chang-to‘zonlar bilan birga kuzatilishi mumkin. Havo harorati 34-39 daraja atrofida bo‘ladi, janubiy hududlarda esa 41-43 darajagacha ko‘tarilishi mumkin.
Toshkent shahrida yog‘ingarchilik kutilmaydi. Shamol tezligi 5-10 m/s bo‘ladi. Harorat 36-38 daraja oralig‘ida bo‘lishi prognoz qilinmoqda.
Tog‘li hududlarda ham yog‘ingarchilik kutilmaydi. Shamol 7-12 m/s tezlikda esadi, ba’zi joylarda 13-18 m/s gacha kuchayishi mumkin. Havo harorati 26-31 daraja atrofida bo‘ladi.