Bugatti koʻzgusimon kuzovli noyob Veyron’ni namoyish etdi
Bugatti eng gʻayrioddiy Veyron Grand Sport Vitesse avtomobili nusxalaridan birini qayta tikladi. Avtomobil koʻzgudek yaltiraydigan alyuminiy kuzovi va alvon rangli charm bilan qoplangan saloni bilan ajralib turadi.
Bugatti koʻzgudek kuzovga ega noyob Veyron’ni taqdim etdi
Bugatti kompaniyasi La Maison Pur Sang dasturi doirasida noyob Veyron Grand Sport Vitesse giperkari qayta tiklanganini maʼlum qildi.
Bu nusxa kuzovidagi noodatiy bezagi bilan ajralib turadi.
Oddiy boʻyoq oʻrniga Bugatti yuzasi koʻzgudek silliqlangan alyuminiydan foydalangan. Kuzov qismlarini yaratish uchun kompaniya ogʻirligi 20 tonnagacha boʻlgan alyuminiy xomashyolaridan foydalangan.
Alvon rangli charm bilan qoplangan salon rodsterning tashqi qiyofasini toʻldiradi. Bezakda uglerod tolali ochiq elementlar va qoʻl mehnati bilan tayyorlangan detallar ham ishlatilgan.
Ishlab chiqarilganidan oʻn yildan ortiq vaqt oʻtgach, avtomobil Bugatti tarixiy modellarini restavratsiya qilish va saqlab qolishga qaratilgan La Maison Pur Sang dasturida qatnashish uchun zavodga qaytdi. Mutaxassislar avtomobilning asl ekanini tekshirdi, zarur tiklash ishlarini bajardi va uni dastlabki holatiga keltirdi.
Ishlar tugagach, Veyron giperkari maxsus sertifikatga ega boʻldi va Fransiya Riverasidagi yangi egasining kolleksiyasiga yoʻl oldi. Mutaxassislar uni kamida 3 million dollarga baholamoqda.
Kompaniya yangi xaridorning ismini rasman oshkor etmadi. Biroq Monako koʻchalarida ushbu gʻayrioddiy Veyron rulida Formula-1 poygalarining ikki karra chempioni Fernando Alonsoni koʻrishgan.