“Bu inqilobiy qadam” — Infantino Jahon chempionati huquqlarini xususiy investorlarga sotish haqida

**"Bu inqilobiy qadam" — Infantino Jahon chempionati huquqlarini xususiy investorlarga sotish haqida**

FIFA prezidenti Janni Infantino Jahon chempionati huquqlarining bir qismini xususiy investorlarga sotish rejalari yuzasidan bildirilgan tanqidlarga javob qaytardi.

Tashkilot tomonidan e'lon qilingan videoda FIFA rahbari shunday dedi: "Bu aslida shunchaki taklif. Bu demokratik jarayonning, maslahatlashuv jarayonining bir qismi va eng muhimi, bu majburiyat emas, balki imkoniyat. Bu butun dunyo bo'ylab futbol rivojlanishini keskin tezlashtirish uchun oltin imkoniyat. Lekin yana bir bor ta'kidlayman: bu shunchaki taklif, majburiyat emas".

Infantino ushbu taklif "ilgari foydalanilmagan tijorat salohiyatini" ochishga qaratilganligini va uning amalga oshishi FIFAning 211 ta a'zo assotsiatsiyalari tomonidan demokratik ovoz berishga hamda FIFA Kengashi tomonidan tasdiqlanishiga bog'liqligini ta'kidladi.

"Ushbu tijoriy salohiyatni yuzaga chiqarish qo'shimcha tajriba va bilimlarni talab qiladi. Bu FIFAga tegishli barcha musobaqalarni, jumladan, homiylik, translyatsiya, litsenziyalash va FIFAning 211 ta a'zo assotsiatsiyalari manfaati uchun yangi loyihalarni tijoriy jihatdan soddalashtirish imkonini beradi", dedi Infantino.

Infantino futbol o'zgarmasligini va muxlislar faqat baxtliroq bo'lishlarini ta'kidladi.

"Dunyo bo'ylab muxlislar bu potentsial inqilobiy qadamdan beqiyos foyda ko'rishadi, chunki bu ularning mamlakatlaridagi futbolni o'zgartiradi", dedi u.