“Bu faqat smartfoni boʻlmaganlarga tegishli” – Oʻzbekiston Tashqi ishlar vazirligi Rossiyaning migrantlarga qoʻygan yangi talablari haqida.

Oʻzbekiston Tashqi ishlar vazirligi Rossiyadagi migrantlar uchun majburiy mobil telefon sotib olish haqidagi xabarlarga izoh berdi. Vazirlik tegishli qonun loyihasi hozirda muhokama qilinayotganini va hali qabul qilinmaganligini tushuntirdi. Bundan tashqari, taklif qilinayotgan qoida hammaga ham tegishli emas, faqat telefoni boʻlmagan yoki qurilmalari Amina ilovasini qoʻllab-quvvatlamaydigan migrantlarga tegishli.