«Breaking Bad» seriali aktyori RJ Mitt 34 yoshida vafot etdi
«Breaking Bad» seriali aktyori RJ Mitt 34 yoshida vafot etdi
«Breaking Bad» aktyori RJ Mitt 34 yoshida vafot etdi
RJ Mitt Emmi mukofotiga sazovor boʻlgan «Breaking Bad» dramasida Uolter Uaytning boʻysunmas oʻgʻli rolini gavdalantirgani bilan keng tanilgan edi.
«Breaking Bad» drama serialida giyohvand moddalar qiroli Uolter Uaytning boʻysunmas oʻgʻli rolini oʻynashi bilan tanilgan amerikalik aktyor RJ Mitt 34 yoshida vafot etdi.
«Sevgili aktyorimiz, filantrop va nogironlar huquqlarining faol himoyachisi RJ Mittning fojiali vafotini chuqur qaygʻu bilan maʼlum qilamiz», — dedi uning vakili BBC’ga.
U Texas shtatining Braunsvill shahrida vafot etdi. Oʻlimning bevosita sababi haqida darhol maʼlumot berilmadi.
Bolalar tserebral falajligi bilan yashagan Mitt Brayan Krenston va Aaron Pol bosh rollarni ijro etgan va Emmi mukofotiga sazovor boʻlgan drama serialidagi roli uchun oʻz tajribasiga tayangan. U serialdagi ishi uchun 2014 yilda Kinoaktyorlar gildiyasi mukofotini (Screen Actors Guild Award) qoʻlga kiritgan edi.
«Mitt rolga haqoniylik bagʻishladi hamda nogironlik haqida xabardorlik va inklyuzivlik boʻyicha maydon yaratdi», — dedi uning vakili Shon Reyli BBC’ga bergan bayonotida.
Митт, шунингдек, United Cerebral Palsy ва Shriners Children's tashkilotlarining elchisi boʻlib xizmat qilgan.
U, shuningdek, xayriya harakatlari va jamoatchilik tashabbuslarini qoʻllab-quvvatlash uchun The Mitte Foundation jamgʻarmasiga asos solgan boʻlib, oʻz maydonidan «stereotiplarga qarshi chiqish va nogironligi boʻlgan shaxslarning yanada kengroq namoyon boʻlishini targʻib qilish» uchun foydalangan, dedi Reyli.