Braziliyada onlayn qimor taqiqlandi
Foydalanuvchilar oʻz mablagʻlarini yechib olishlari uchun bukmekerlik kompaniyalarining saytlari 5-oktabrgacha ochiq boʻladi. 6-oktabrdan boshlab esa ushbu saytlar bloklanadi.
Braziliyada onlayn qimor taqiqlandi
Braziliya prezidenti Luis Inasiu Lula da Silva mamlakat hududida virtual kazinolar va pul tikiladigan onlayn oʻyinlar toʻliq taqiqlanishini maʼlum qildi.
«Bu saratonga oʻxshaydi: oʻsimtani yoʻq qilasan yoki oʻsimta seni oʻldiradi», - deya prezidentning soʻzlaridan iqtibos keltiradi
Mazkur chora prezidentlik saylovlari arafasida joriy etildi. Saylovning birinchi bosqichi 4-oktabrga belgilangan.
«Biz jamoat salomatligi sohasida onlayn pul tikish bilan bogʻliq jiddiy muammoga duch keldik. Bu jiddiy muammo», - dedi moliya vaziri Dario Durigan.
Uning aytishicha, foydalanuvchilar oʻz mablagʻlarini yechib olishlari uchun bukmekerlik kompaniyalari saytlari 5-oktabrgacha ochiq qoladi. 6-oktabrdan boshlab esa ilovalar doʻkonlari va internet-provayderlar ushbu saytlarni bloklashi kerak.
Prezidentlik saylovida nomzodini qoʻygan senator Flavio Bolsonaru esa bu taqiqni «populistik, ikkiyuzlamachi va siyosiy maqsadlarga qaratilgan» qaror deb atadi.