Bolgariya sohilida yuk kemasiga uçta dengiz droni urildi
Qora dengizda Bolgariya sohillari yaqinida Gretsiyaning Contship Jet konteyner taşuvçi kemasi uçta dengiz droni hujumi oqibatida şikastlandi. Bolgariya harbiy-dengiz kuçlari bortdagi barça 18 nafar ekipaj aʼzosini evakuatsiya qildi.
Bolgariya qirg‘og‘i yaqinida yuk kemasiga uchta dengiz droni urildi
DW xabariga ko‘ra, Bolgariya mudofaa vaziri Dimitar Stoyanov 28-oktabr kuni o‘tkazilgan brifingda hujum mamlakatning mutlaq iqtisodiy zonasida sodir bo‘lganini ma’lum qilgan.
Liberiya bayrog‘i ostida suzgan kema Şabla shahridan taxminan 21 dengiz mili — qariyb 39 kilometr janubi-sharqda uchta uchuvchisiz dengiz apparati zarbasiga uchragan.
Dronlar haqida Fransiya samolyoti xabar bergan.
Bolgariya Mudofaa vazirligi ma’lumotiga ko‘ra, Contship Jet Ruminiyaning Konstansa portiga yo‘l olgan edi. Bolgariya radiosi esa kema Isroilning Hayfa portidan yo‘lga chiqqanini xabar qilgan.
Dengiz dronlari kuzatilgani haqidagi ma’lumot Qora dengizning g‘arbiy qismi ustida parvoz qilayotgan Fransiya dengiz patrul samolyotidan kelib tushgan.
Shundan so‘ng Bolgariya harbiy-dengiz kuchlari qutqaruv operatsiyasini o‘tkazib, kemadagi barcha 18 kishini olib chiqqan. Hujum uchun kim javobgar ekani hozircha noma’lum.
Sofiyada uch davlat vakillari shoshilinch yig‘ildi
28-oktabr kuni Sofiyada Bolgariya, Ruminiya va Turkiya mudofaa vazirlari hamda shtab boshliqlarining shoshilinch yig‘ilishi bo‘lib o‘tgan. Unda Qora dengizda fuqarolik kemalari qatnovi xavfsizligi muhokama qilingan.
DW ma’lumotiga ko‘ra, so‘nggi haftalarda Bolgariya sohillari yaqinida kamida oltita savdo kemasi hujumga uchragan.
Ukraina bu hujumlar uchun Rossiyani ayblamoqda. Bolgariya bosh vaziri Rumen Radev esa ular, aftidan, Rossiya manfaatiga xizmat qilayotganini aytgan. Rossiya rasmiylari hujumlarga aloqadorlik haqidagi ayblovlarni rad etmoqda.