BMB HOLDING nemis kompaniyalari bilan hamkorlikni muhokama qildi
Germaniyaning oʻnta kompaniyasi vakillari bilan oʻtkazilgan muzokaralar sanoat, texnologiyalar, logistika, aviatsiya, savdo va konsalting sohalarini qamrab oldi.
BMB HOLDING Germaniya kompaniyalari bilan hamkorlikni muhokama qildi
BMB HOLDING Germaniya kompaniyalari va ishbilarmonlik uyushmalari vakillari bilan muzokaralar oʻtkazdi, ularning davomida Oʻzbekistonda qoʻshma loyihalarni amalga oshirish istiqbollari koʻrib chiqildi. Uchrashuvlar savdo-iqtisodiy aloqalarni mustahkamlash, Germaniya texnologiyalarini jalb qilish va investitsiyaviy hamkorlikni kengaytirishga qaratildi.
Muzokaralar Toshkentda Germaniya-Oʻzbekiston iqtisodiy hamkorlik byurosi (DUWK Büro) koʻmagida boʻlib oʻtdi. Unda byuro ijrochi direktori Noyobjon Ahmadjonov va BMB HOLDING departamenti direktori Bobir Yaxyayev ishtirok etdi.
Biznes-dastur doirasida sanoat, mashinasozlik, zamonaviy texnologiyalar sohasi, xalqaro logistika, savdo, aviatsiya va konsalting sohalarida faoliyat yuritayotgan oʻnga yaqin Germaniya kompaniyalari va bitta ishbilarmonlik uyushmasi vakillari bilan uchrashuvlar boʻlib oʻtdi.
Хусусан, German Eurasian Business Association, ASTARE GmbH, JOKOBA Technologies GmbH, Hammelmann GmbH, Atlantis Zollspedition, MIYAWAKI GmbH, SKM Logistics & Trade GmbH, Life Science Consulting, Stena Line GmbH & Co. KG ва MATTHIESSEN Lager- und Recyclingtechnik GmbH вакиллари билан музокаралар ўтказилди.
Tomonlar Germaniya kompaniyalarining ishlab chiqarish va texnologik imkoniyatlari, ularning innovatsion ishlanmalari va xalqaro tajribasini muhokama qildilar. Sanoat va muhandislik texnologiyalarini joriy etish, ishlab chiqarish jarayonlarini modernizatsiya qilish, xalqaro logistikani rivojlantirish va aviatsiya sohasidagi hamkorlik imkoniyatlariga alohida eʼtibor qaratildi.
Bundan tashqari, zamonaviy uskunalar yetkazib berish, innovatsion yechimlarni qoʻllash, xalqaro savdo operatsiyalarini rivojlantirish va konsalting xizmatlaridan foydalanish masalalari muhokama qilindi.
Germaniyalik hamkorlarga BMB HOLDING faoliyatining asosiy yoʻnalishlari, uning investitsiyaviy va ishlab chiqarish salohiyati, joriy loyihalari hamda xalqaro hamkorlikning ustuvor yoʻnalishlari toʻgʻrisida maʼlumotlar taqdim etildi.
Muzokaralar yakunida ishtirokchilar ishbilarmonlik aloqalarini davom ettirish, hamkorlikning muayyan yoʻnalishlari boʻyicha takliflar tayyorlash va istiqbolli loyihalarning texnik-iqtisodiy parametrlarini oʻrganishga kelishib oldilar. Kelgusida tomonlar tashabbuslarni muhokama qilishdan ularni amaliy roʻyobga chiqarishga oʻtish imkoniyatlarini koʻrib chiqish niyatida.