Birjada propan narxi 2 savdo kunida 65 foizga qimmatlashdi
Suyultirilgan gazning 1 tonnasi uchun ulgurji narx 17-18 sentabrdagi savdolarda 7 mln 412 ming soʻmdan 12 mln 217 ming soʻmga yoki 64,8 foizga koʻtarildi. Bu narx oʻsishiga qoʻyilgan cheklovning bekor qilingani bilan bogʻliq boʻlishi mumkin.
Birjada propan narxi 2 savdo kunida 65 foizga qimmatlashdi
17–18 sentabr kunlari bo‘lib o‘tgan 2 birja savdosida propan narxi 64,8 foizga oshdi.
17-sentabr kungi savdolarda suyultirilgan gazning 1 tonnasi uchun o‘rtacha narx 7 mln 412 ming so‘mdan 11 mln 905 ming so‘mgacha ko‘tarilib, 60,6 foizga qimmatlashdi.
18-sentabr kuni esa narx qariyb 2,6 foizga oshib, 12 mln 217 ming so‘mga yetdi. Shu tariqa propanning ulgurji narxi 2 kun ichida 4,8 mln so‘mga yoki taxminan 65 foizga oshdi.
Narxlarning keskin ko‘tarilishi 17-sentabrdan boshlab birja savdolarida suyultirilgan gazni sotish narxining o‘sishiga qo‘yilgan cheklov bekor qilingani bilan bog‘liq bo‘lishi mumkin.