Bioterrorizm, ishsizlik va qonundagi boʻshliqlar - Bill Geyts sunʼiy intellekt xatarlaridan ogohlantirdi
Microsoft kompaniyasi hammuassisi Bill Geyts CNN telekanaliga bergan intervyusida sunʼiy intellektni insoniyat tarixidagi eng xavfli ixtiro deb atadi. Milliarder nazoratsiz qolgan SI kelajakda kiberhujumlar va bioterrorizm quroliga aylanishi, mehnat bozorida esa misli koʻrilmagan ishsizlikni keltirib chiqarishidan xavotir bildirib, hukumatlarni qatʼiy nazorat choralarini koʻrishga chaqirdi.
Bioterrorizm, ishsizlik va qonundagi boʻshliqlar — Bill Geyts sunʼiy intellekt xavflari haqida ogohlantirdi
Sunʼiy intellekt hayotimizning ajralmas qismiga aylanib borayotgan bir paytda yashayapmiz. Ammo bu mislsiz yutuqlar bilan birga qanday xatarlar ham kelmoqda? Microsoft kompaniyasi hammuassisi va texnologiyalar olamidagi eng nufuzli shaxslardan biri Bill Geyts CNN telekanali jurnalisti Jeyk Tapperga bergan intervyusida bu borada jiddiy ogohlantirishlar berdi.
U sunʼiy intellektni insoniyat yaratgan «eng xavfli texnologiya» deb atab, uning kiberhujumlar va bioterrorizm quroliga aylanishi mumkinligidan xavotir bildirdi. Geytsning aytishicha, yovuz niyatli odamlar qoʻliga cheklovlarsiz topshirilgan sunʼiy intellekt global miqyosdagi falokatlarga, hatto pandemiyadan ham 50 barobar dahshatliroq oqibatlarga olib kelishi mumkin. Shu bilan birga, multi-milliarder millionlab ish oʻrinlarining yoʻqolishi va ayrim kasblarni faqat insonlar uchun saqlab qolish zarurligi haqida ham fikr bildirdi.
“Bular faqat biz bilgan hodisalar, xolos. Biz bilmagan yana qanchadan qancha holatlar borligini tasavvur ham qila olmayman.”
“Oʻylaymanki, hali hech bir soha oʻz xavotirlari haqida bunchalik ochiq gapirmagan. Bizdagi nomutanosiblik shundaki, soha ichida juda koʻp xavotir bor, ammo akademiklar, siyosatchilar va davlat arboblari bu vositalarning qanchalik murakkab va kuchli ekanidan yetarli darajada xabardor emas. Shu sababli bu xabardorlik oshgani sayin, siyosatda ham koʻplab takomillashuvlar yuzaga keladi. Masalan, bolalar SI bilan emotsional aloqada boʻlishi kerakmi? SI qanday qilib maktabdagi oʻqituvchilarni toʻldirishi va shunchaki insho yoki yozma ishda koʻchirmakashlik vositasi emas, balki koʻproq qiziquvchanlikni uygʻotuvchi vosita boʻlishi mumkin? Agar turli mamlakatlarga qarasangiz, masalan, Xitoy bolalarning SI bilan munosabat oʻrnatishini taqiqlagan. Ayrim davlatlar sunʼiy intellekt yuzaga keltirishi mumkin boʻlgan salbiy oqibatlarning oldini olishda ancha oldinga oʻtib ketishdi.”
“Bu juda qoʻrqinchli va xavfli eshitiladi.”