Behzod Musayev «Vatandoshlar» jamoat fondi raisi etib tayinlandi
Migratsiya agentligidan boʻshatilgan Behzod Musayev «Vatandoshlar» jamoat fondi boshqaruv raisi sifatida ish boshladi.
Behzod Musayev «Vatandoshlar» jamoat fondi raisi etib tayinlandi
Migratsiya agentligining sobiq direktori Behzod Musayev «Vatandoshlar» jamoat fondi boshqaruv raisi lavozimiga tayinlandi.
Fondning «Rahbariyat» bo‘limida Behzod Anvarovich Musayev boshqaruv raisi sifatida ko‘rsatilgan. Shuningdek, 2021-yil sentabrdan buyon fondga rahbarlik qilib kelgan Odiljon Sattorov endilikda boshqaruv raisi o‘rinbosari sifatida qayd etilgan.
«Vatandoshlar» jamoat fondi 2021-yilda tashkil etilgan. Uning asosiy maqsadi xorijda yashayotgan vatandoshlarni tarixiy Vatan atrofida yanada jipslashtirish, vatandoshlar va ular tomonidan tuzilgan jamoat birlashmalarini qo‘llab-quvvatlash, turli sohalarda faoliyat yuritayotgan vatandoshlar salohiyatini mamlakat taraqqiyotiga samarali yo‘naltirishdan iborat ekani ko‘rsatilgan.
Eslatib o‘tamiz, Behzod Musayev 2026-yil 3-sentabr kuni prezident qaroriga binoan boshqa ishga o‘tishi munosabati bilan Migratsiya agentligi direktori lavozimidan ozod etilgandi. U 2024-yil sentabrdan beri shu lavozimda ishlagan. Bungacha esa Kambag‘allikni qisqartirish va bandlik vaziri sifatida faoliyat yuritgan.