“Bavariya”ning Maykl Olise bo‘yicha rejalari ma’lum bo‘ldi — OAV
“Bavariya”ning Maykl Olise borasidagi niyatlari oshkor bo‘ldi — OAV
Yozgi transfer oynasi boshlanishidan avval 24 yoshli Maykl Olise futbol yangiliklarining diqqat markazida bo‘ldi. Fransiyalik vinger “Real Madrid” prezidenti Florentino Peresning asosiy nishonlaridan biri edi. Biroq, tarqalgan mish-mishlarga qaramay, uning 2027-yil yozida transfer qilinishi ehtimoli juda past.
Buning asosiy sabablaridan biri “Bavariya” rahbariyatining Oliseni sotish niyati yo‘qligini bir necha bor ta’kidlagani bo‘ldi. Hatto klub vakillari futbolchini 200 million yevroga ham qo‘yib yubormasliklarini bildirgan. Bu holat, shuningdek, ikki klub o‘rtasidagi yaxshi munosabatlar “Real Madrid”ni Olise uchun taklif kiritish niyati yo‘qligini ma’lum qilishga undagan.
Biroq, so‘nggi kunlarda ayrim manbalarda sobiq “Kristal Pelas” futbolchisi kelgusi yozda yangi chaqiriqlarni sinab ko‘rishga tayyor ekani haqida xabarlar paydo bo‘ldi. Shu sababli, kelgusi transfer oynalarida uning boshqa klubga o‘tish ehtimoli butunlay istisno qilinmayapti. Hatto ayrim manbalar Olise Fransiya terma jamoasi kiyinish xonasida “Real Madrid”da o‘ynashni xohlashini bildirgani haqida yozgan.
**“Bavariya” unga yangi shartnoma taklif qilmoqchi**
Shunga qaramay, nemis klubi Olisedan voz kechmoqchi emas. Florian Plettenbergning xabariga ko‘ra, “Bavariya” futbolchiga yangi shartnoma taklif qilishni rejalashtirmoqda. Myunxen klubi rasmiylari Oliseni kelajakdagi jamoasining asosiy figurasi sifatida ko‘rmoqda va uning shartnomasini uzaytirishni istamoqda.
Ayni paytda bu masala klub uchun mutlaq ustuvor vazifa emas. Olisening amaldagi shartnomasi 2029-yil iyunigacha mo‘ljallangan. Shu bois futbolchining jamoada yana uch mavsum qolish imkoniyati mavjud. Biroq, tomonlar o‘rtasidagi muzokaralar yaqin oylar ichida boshlanishi kutilmoqda.
Manbaga ko‘ra, yoz davomida “Bavariya” rahbariyatining hech bir vakili Olisening transferini muhokama qilmagan va futbolchining o‘zi ham klubga ketish istagi borligini ma’lum qilmagan.
Shu sababli, “Bavariya” Oliseni jamoaning asosiy yulduziga aylantirish va unga klubdagi eng yuqori maoshni belgilash uchun katta mablag‘ sarflashga tayyor.