Bank rivojidan mamlakat rivojiga: ANORBANK rahbarlari davlat mukofotlari bilan taqdirlandi
ANORBANK rahbarlari Sherzod Akramov, Elyor Najimitdinov va Madina Nurutdinova O‘zbekiston mustaqilligining 35 yilligi munosabati bilan esdalik ko‘krak nishoni bilan taqdirlandi.
Bank taraqqiyotidan mamlakat yuksalishiga: ANORBANK yetakchilari davlat mukofotlariga sazovor bo‘ldi
O‘zbekiston mustaqilligining 35 yilligi arafasida ANORBANK boshqaruvi raisi Sherzod Akramov, shuningdek, boshqaruv raisi o‘rinbosarlari Elyor Najmitdinov va Madina Nurutdinova “O‘zbekiston Respublikasi mustaqilligining 35 yilligi” ko‘krak nishoni bilan taqdirlandi.
Ushbu nishon mamlakat mustaqilligini mustahkamlash, uning iqtisodiy qudrati va salohiyatini oshirishga qo‘shgan ulkan hissa, ko‘p yillik fidokorona mehnat hamda ijtimoiy hayotdagi faol ishtirok uchun beriladi.
ANORBANK rahbarlari uchun bu e’tirof bank sektoridagi uzoq yillik professional faoliyatning munosib bahosi bo‘ldi. Bank sohasi O‘zbekistonda tadbirkorlikni rivojlantirish, moliyaviy xizmatlardan foydalanish imkoniyatlarini kengaytirish va raqamli iqtisodiyotni rivojlantirishga bevosita ta’sir ko‘rsatadi.
Ushbu e’tirof – amalga oshirilgan ishlarning muhim bahosi va yanada katta mas’uliyat bilan oldinga intilish uchun motivatsiyadir. ANORBANK bildirilgan ishonch uchun minnatdorlik bildiradi va uni rivojlanishda davom etish, yanada katta maqsadlarni belgilash hamda mijozlar, biznes va mamlakat uchun ko‘proq foyda keltirishga qo‘shimcha rag‘bat sifatida qabul qiladi.