Bagajxona, salon va yertoʻladagi gashish: ikki viloyatda 2,6 kg giyohvandlik moddasi musodara qilindi
Fargʻona va Namangan viloyatlarida DXX xodimlari boshqa huquq-tartibot idoralari bilan hamkorlikda 2,6 kg dan ortiq gashish moddasini musodara qilishdi. Giyohvandlik vositalari gumonlanuvchilarning avtomobillari va uyidan topilgan. Pop tumanida Fargʻona — Toshkent yoʻnalishida harakatlanayotgan avtomobilda 1 kg gashish topildi. Chust tumanida esa muqaddam sudlangan shaxsning avtomobili salonidan yana 995 gramm ushbu modda aniqlandi. Yana 648 gramm […]
Yukxona, salon va yertoʻladagi gashish: ikki viloyatda 2,6 kg giyohvandlik moddasi musodara qilindi
Fargʻona va Namangan viloyatlarida DXX xodimlari boshqa huquq-tartibot idoralari bilan hamkorlikda 2,6 kg dan ortiq gashish moddasini musodara qilishdi. Giyohvandlik moddasi gumonlanuvchilarning avtomobillari va uyidan topilgan.
Pop tumanida Fargʻona — Toshkent yoʻnalishi boʻyicha harakatlanayotgan avtomobilda 1 kg gashish topildi. Chust tumanida esa muqaddam sudlangan shaxs boshqaruvidagi avtomobil salonidan yana 995 gramm giyohvandlik moddasi aniqlandi.
Bundan tashqari, Namangan shahrida yashovchi fuqaroning uyi yertoʻlasidan 648 gramm giyohvandlik moddasi topilgan. U ushbu gashishni tanishidan 5 ming dollarga sotib olgani aniqlangan.
Barcha holatlar boʻyicha jinoyat ishlari qoʻzgʻatilgan. Tergov harakatlari olib borilmoqda.