Aydarkoʻldan Maldiv orollarigacha: kuzda qayerga borish mumkin?
Aydarkoʻldan Maldiv orollarigacha: kuzda qayerga borish mumkin?
Kuzda Oʻrta yer dengizida jazirama pasayadi, Janubi-Sharqiy Osiyoda yomgʻirlar toʻxtaydi, mehmonxonalarda esa narxlar arzonlashadi. Yoʻlovchi trevel-mediasi shu kuzda borish mumkin boʻlgan mamlakatlar roʻyxatini tayyorladi: xoh qoʻshnilarga qisqa safar boʻlsin, xoh dengiz bo‘yiga yoki Oʻzbekiston boʻylab tabiat qoʻyniga.
**Qozogʻiston**
Oʻzbekistonliklar uchun viza talab etilmaydi, mamlakatda 90 kungacha qolish mumkin. Kunduzi Olmaotada 15–20 °C, Ostonada esa salqinroq — 10–15 °C.
Ikki-uch kunlik borib-kelish uchun bu eng yaqin yoʻnalish. Kuzda Olmaota xazonlar bilan qoplanadi: dor yoʻli orqali Shimbuloqqa chiqish, Kolsay koʻllarigacha yoki Chorin kanyonigacha borish mumkin. Ostonadan esa Burabayga — qaragʻayzorlar, qoyalar va koʻllar tomon yoʻl olinadi. Aviachiptalar 1,6 mln soʻmdan boshlanadi. Yana bir muhim jihat: endi safardan kamida 72 soat oldin mamlakatga kirish uchun elektron ruxsatnoma olish kerak.
Viza kerak emas — mamlakatda vizasiz 60 kungacha qolish mumkin. Kunduzi Bishkekda harorat 15 °C atrofida boʻladi.
Bu yoʻnalish togʻlar, treking va xotirjamlikni istaganlar uchun mos. Bishkekda yaxshi qahva madaniyati bor, biroq shaharda uzoq qolish shart emas. Yaxshisi, Ala-Archa darasiga yoʻl olish kerak — u poytaxtdan atigi 40 km uzoqlikda joylashgan va u yerga taksida borish oson. Yana bir variant — uzoq sayrlardan keyin isinib olish yoqimli boʻlgan Issiq-Ota issiq buloqlari. Kuzda sayyohlar kamayadi, turar joylar arzonlashadi, yozgi issiq esa otda sayr qilishga va oʻtovlarda tunashga endi xalaqit bermaydi. Bishkekka aviachiptalar 900 ming soʻmdan boshlanadi.
Viza rasmiylashtirish talab qilinmaydi, mamlakatda usiz 365 kungacha boʻlish mumkin.