Avstraliyaning afsonaviy Powderfinger guruhi 17 yil ichidagi ilk gastrol safarini eʼlon qildi
Oʻtgan hafta qayta birlashganini eʼlon qilgan guruh yana birgalikda chiqish qilayotganlaridan "mutlaqo hayratda" ekanliklarini aytmoqda.
Avstraliyaning afsonaviy Powderfinger guruhi 17 yil ichidagi ilk gastrol safarini eʼlon qildi
Avstraliyaning eng sevimli rok-guruhlaridan biri boʻlmish Powderfinger tarqalib ketganidan 17 yil oʻtib, qaytish turtini oʻtkazish rejalarini oshkor qildi.
Oʻtgan haftada qayta birlashganini tasdiqlagan Brisbenda asoslangan guruh kelasi yilning sentyabr oyida oʻz tugʻilgan shahrida toʻrtta kontsert bilan chiqishlarini boshlaydi.
Shundan soʻng ular Kerns, Sidney, Adelaida, Pert va Melburnda yana 14 ta shou oʻtkazadilar, barcha kontsertlar «stadion hajmidagi katta shapito» chadirida boʻlib oʻtadi.
Doʻshanba kungi bayonotida guruh yana birlashganidan va birgalikda chalishni boshlaganidan «jiddiy toʻlqinlanayotganini» aytdi.
«Yillar davomida sahnaga qaytishimiz boʻyicha juda koʻp takliflar boʻldi, ammo shu paytgacha bu hammamiz uchun toʻgʻri yoki mos keladigandek tuyulmagan edi», — deyiladi bayonotda.
«Biz uzoq yillik muxlislarimizning doimiy qoʻllab-quvvatlashidan har doim minnatdor boʻlganmiz va yillar davomida bizni hech qachon sahnada koʻrmagan koʻplab yangi muxlislarni orttirdik».
«Odamlar tesh-tez musiqamiz ularning eng qadrli va quvonchli xotiralari bilan bogʻliqligini aytishadi», — deya qoʻshimcha qildi ular. «Avstraliyaning eng yaxshi va istiqbolli sanʼatkorlari bilan mamlakat boʻylab turga chiqqanimizda ushbu quvonchni yanada koʻproq ulashishga va hammamiz uchun yangi xotiralar yaratishga umid qilamiz».
Faqat juma va shanba oqshomlarida kontsert berish qarori oʻtgan yili Oasis guruhining dunyo boʻylab gastrol safarida qoʻllagan yondashuviga oʻxshashdir. Avstraliyadan tashqaridagi shoular hozircha eʼlon qilinmagan.
Faoliyati davomida Powderfinger yettita studiyaviy albom chiqardi, jumladan, 2000 yildagi Odyssey Number Five albomi 2011 yilda Avstraliya eshittirish korporatsiyasi (ABC) ning Triple J musiqiy stantsiyasi tinglovchilari tomonidan Avstraliyaning barcha davrlardagi eng yaxshi albomi deb topilgan.
Ushbu albom tarkibiga kirgan My Happiness singli 2025 yilda xuddi shu stantsiya tomonidan Avstraliyaning barcha davrlardagi 100 ta eng yaxshi qoʻshigʻi orasida oltinchi oʻringa loyiq koʻrilgan. Guruhning boshqa xitlari orasida On My Mind, These Days va Sunsets kabilar bor.
Guruh tarqalganidan beri frontmen Bernard Fanning yakkaxon faoliyatini davom ettirdi, basist Jon Kollinz esa Brisbendagi eng yirik ikkita jonli musiqa maydonchasini ochdi.