Asakada “Damas” agʻdarilib ketdi
Haydovchi uxlab qolishi oqibatida rul boshqaruvini yoʻqotgan va avtomashina yoʻl chetidagi daraxtga urilib, agʻdarilib ketgan.
Asakada “Damas” agʻdarilib ketdi
Andijon viloyatining Asaka tumani «Niyozbotir» MFY hududidan oʻtgan «Asaka - Quva» avtomobil yoʻlida yoʻl-transport hodisasi yuz berdi.
Maʼlumot berilishicha, 17-oktabr kuni soat 23:00 larda 2004-yilda tugʻilgan A.O. oʻzi boshqarayotgan «Damas» rusumli avtomashinada harakatlanib ketayotib, uxlab qolgan.
Shu sabab u rul boshqaruvini yoʻqotgan va avtomashina yoʻl chetidagi daraxtga urilib, agʻdarilib ketgan.
Xabarga koʻra, mazkur YTH oqibatida hech kim tan jarohati olmagan, avtomashinaga esa texnik shikast yetgan.
Holat yuzasidan Asaka tumani IIB YHXG xodimlari tomonidan surishtiruv ishlari olib borilmoqda.