Asadjon Xodjayev Raqamli texnologiyalar vaziri o‘rinbosari etib tayinlandi
Tayinlov Prezident Administratsiyasi rahbarining tegishli farmoyishi bilan amalga oshirildi.
Asadjon Xodjayev Raqamli texnologiyalar vaziri o‘rinbosari etib tayinlandi
Asadjan Xodjayev Raqamli texnologiyalar vazirining Komplayens va korrupsiyaga qarshi ichki nazorat bo‘yicha o‘rinbosari lavozimiga tayinlandi.
O‘zbekiston Respublikasi Prezidenti Administratsiyasi rahbarining tegishli farmoyishiga muvofiq, Asadjon Azatbekovich Raqamli texnologiyalar vazirining Komplayens va korrupsiyaga qarshi ichki nazorat bo‘yicha o‘rinbosari etib tayinlandi.
Asadjon Xodjayev (1970-yilda tug‘ilgan) — Toshkent elektrotexnika aloqasi instituti hamda O‘zbekiston Respublikasi Prezidenti huzuridagi Davlat boshqaruvi akademiyasini (2001-yil) tamomlagan. Mutaxassisligi — elektroaloqa muhandisi, iqtisodiyot magistri.
U 1995−2001-yillarda aloqa vazirligi, Pochta va telekommunikatsiya markaziy apparatida ishlagan, 2001−2003-yillarda esa «O‘zbekiston pochtasi» Davlat aksionerlik kompaniyasi bosh direktorining birinchi o‘rinbosari hamda UZINFOCOM Kompyuter va axborot texnologiyalarini rivojlantirish va joriy etish markazi direktorining birinchi o‘rinbosari lavozimlarida faoliyat yuritgan. 2019-yil noyabridan 2020-yil iyuligacha Axborotlashtirish va telekommunikatsiyalar sohasida nazorat bo‘yicha davlat inspeksiyasi boshlig‘i bo‘lgan, 2020-2025-yillarda esa AOKA rahbari sifatida ishlagan.