AQShda voyaga yetmagan qizni zoʻrlash boʻyicha ish yuzasidan oʻzbekistonlik yuk mashinasi haydovchisiga hukm oʻqildi

Amerikaning Ogayo shtatida yuk mashinasi haydovchisi boʻlib ishlagan 44 yoshli oʻzbekistonlik 13 yoshli qizga nisbatan jinsiy zoʻravonlik qilish boʻyicha ayblanib, 25 yildan 30,5 yilgacha ozodlikdan mahrum etildi. Maxoning okrugi prokuraturasi bu ushbu ish boʻyicha mumkin boʻlgan eng ogʻir jazo ekanini maʼlum qildi.

Prokuratura maʼlumotlariga koʻra, jinoyat 2019 yilda sodir etilgan. Erkak qizni yoʻl chetidan olib, kabinaning yotoq qismiga olib kirgan va zoʻrlagan, shundan soʻng bolani eng yaqin yuk mashinalari toʻxtash joyida tushirib qoldirgan.

2026 yil 26 avgust kuni sud hayʼati erkakni asosiy ayblovlar boʻyicha aybdor deb topdi. Bundan tashqari, ular ogʻirlashtiruvchi holatni aniqlashdi: jinoyat sodir etilgan vaqtda ayblanuvchi jabrlanuvchidan kamida 10 yoshga katta boʻlgan.

Sud uni shtatdagi eng qatiq cheklovlarga ega jinsiy jinoyatchilar toifasiga kiritdi. Ozodlikka chiqqanidan soʻng erkak umrining oxirigacha har 90 kunda mahalliy sherifdan roʻyxatdan oʻtishga majbur boʻladi.