AQSH Xalqaro jinoyat sudiga qarshi sanksiyalar joriy qildi
Davlat kotibi Marko Rubio AQSH sudning amerikaliklarni taʼqib qilishiga yoʻl qoʻymasligini bildirdi.
AQSH Xalqaro jinoyat sudiga qarshi sanksiyalar joriy etdi
AQSH prezidenti Donald Tramp maʼmuriyati Xalqaro jinoyat sudiga (XJS) nisbatan sanksiyalar kiritdi, deb Reuters 9-oktabr kuni xabar berdi.
AQSH Moliya vazirligi ham XJSga qarshi sanksiyalar roʻyxatini kengaytirdi, bu haqda vazirlikning Xorijiy aktivlarni nazorat qilish boshqarmasi (OFAC) maʼlum qildi.
Davlat kotibi Marko Rubio AQSH sudning amerikaliklarni taʼqib qilishiga yoʻl qoʻymasligini aytdi. Uning soʻzlariga koʻra, Vashington sud bilan har qanday bitimlarni taqiqlab, «uni resurslardan mahrum etadi va faoliyat koʻrsatish qobiliyatini falaj qiladi».
XJS prokurori oʻrinbosari Nazhat Shamim Xon sanksiyalarni tanqid qilib, ular sud faoliyatini toʻxtata olmasligini taʼkidladi.
AQSH ushbu sanksiyalarni sudning sobiq sudyalaridan biri Navanetxem «Navi» Pillay Tinchlik boʻyicha Nobel mukofotiga sazovor boʻlganidan bir necha soat oʻtib joriy qildi.
AQSH Xalqaro jinoyat sudi faoliyatidan bir necha bor norozilik bildirgan. Jumladan, XJS Isroil rasmiylarini, xususan, bosh vazir Binyamin Netanyahuni hibsga olishga order berganidan keyin, shuningdek, Afgʻonistonda jang qilgan amerikalik harbiylarga nisbatan olib borilib, hozirda yopilgan tergov sababli ham eʼtirozlar bildirilgan edi.