AQSH poytaxti koʻchalarida ilk bor IndyCar poygasi oʻtkazildi
Uzunligi 2,7 km boʻlgan vaqtinchalik trassa Milliy alleya atrofida yotqizilib, bolidlar Kapitoliy va Vashington monumenti fonida Pensilvaniya avenyusi boʻylab harakatlandi.
AQSH poytaxti Vashington shahri oʻz tarixida birinchi marta nufuzli NTT IndyCar Series poyga seriyasining bosqichiga mezbonlik qildi. Mamlakat mustaqilligining 250 yilligiga bagʻishlangan noyob Freedom 250 Grand Prix koʻcha poygasi oʻtkazildi.
Uzunligi 2,7 km boʻlgan vaqtinchalik trassa Milliy alleya atrofida joylashgan boʻlib, poyga avtomobillari Kapitoliy va Vashington monumenti fonida Pensilvaniya avenyusi boʻylab harakatlandi.
Bosqichning asosiy qahramoni Andretti Global jamoasi sharafini himoya qilgan amerikalik poygachi Kayl Kirkvud boʻldi. Birinchi qatordan start olgan Kirkvud 147 aylanadan 128 tasida yetakchilikni saqlab qolib, mutlaq ustunligini namoyish etdi.
Freedom 250 Grand Prix yakunlariga koʻra, Kayl Kirkvud (Andretti Global / Honda) 1-oʻrinni, Kristian Lundgor (Arrow McLaren / Chevrolet) 2-oʻrinni va Uill Pauer (Andretti Global / Honda) 3-oʻrinni egalladi.
Ushbu gʻalaba tufayli Kayl Kirkvud mavsum yetakchisi Aleks Paloudan ortda qolish farqini qisqartirib, shaxsiy hisobning top-3 taligidagi oʻrnini mustahkamladi.