AQSH Polshada doimiy harbiy bazani joylashtirishga tayyorgarlik koʻrmoqda - Tramp
AQSH Polshadagi harbiy ishtirokini doimiy tusga oʻtkazishi mumkin. Donald Tramp yangi Amerika bazasining joylashuvi yaqin vaqt ichida maʼlum qilinishi ehtimolini aytdi.
AQSH Polshada doimiy harbiy bazani joylashtirishga hozirlik koʻrmoqda — Tramp
AQSH Polshada Amerika armiyasining doimiy bazasini joylashtirishga tayyorgarlik koʻrmoqda. Bu haqda AQSH prezidenti Donald Tramp oʻzining Truth Social sahifasida maʼlum qildi.
«Doʻstim, Polsha prezidenti Karol Navrotskining qatʼiy rahbarligi tufayli Polshada AQSH armiyasi bazasini joylashtirishda sezilarli yutuqlarga erishildi», — deb yozdi u.
Trampning aytishicha, baza joylashadigan joy katta ehtimol bilan yaqin vaqt ichida eʼlon qilinadi.
«Bu bizning buyuk Amerika-Polsha ittifoqimiz uchun tarixiy qadam boʻladi. Bu masalaga eʼtiboringiz uchun tashakkur», — deya qoʻshimcha qildi AQSH prezidenti.
Polshada Amerika harbiylarining mavjudligi yangilik emas — hozir u yerda 10 mingga yaqin AQSH harbiy xizmatchisi bor.
Biroq bu kontingentning katta qismi Atlantic Resolve operatsiyasi doirasida rotatsiya asosida xizmat qiladi — bo‘linmalar Polshada doimiy joylashmagan, balki muntazam ravishda almashtirib turiladi.
Doimiy baza gʻoyasi birinchi yildan beri muhokama qilinayotgan emas — 2018-yilda Varshava oʻzida «Fort-Tramp» deb ataluvchi bazani joylashtirishni taklif qilgan edi, ammo ish deklaratsiyalar va qoʻshma mashgʻulotlardan nariga oʻtmagan.