Siyosat
AQSh Kongressi delegatsiyasi O'zbekistonga yetib keldi.
AQSh Vakillar palatasi delegatsiyasi Jeyson Smit boshchiligida parlamentlararo va iqtisodiy aloqalarni muhokama qilish uchun O'zbekistonga keldi.
Oliy Majlis Senati ma'lumotlariga ko'ra, Daromadlar va xarajatlar qo'mitasi raisi Jeyson Smit boshchiligidagi Amerika Qo'shma Shtatlari Kongressi delegatsiyasi O'zbekistonga yetib keldi.
Amerika delegatsiyasini aeroportda Oliy Majlis Senati raisining birinchi o'rinbosari Sodiq Safoyev kutib oldi.
Tashrif davomida O'zbekiston parlamenti vakillari bilan bir qator uchrashuvlar rejalashtirilgan. Muhokamalarning asosiy mavzulari ikki mamlakat o'rtasidagi parlamentlararo aloqalarni mustahkamlash, shuningdek, savdo-iqtisodiy va investitsiyaviy hamkorlikni yanada rivojlantirish istiqbollari bo'ladi.