APL. “Manchester Yunayted” safarda “Everton” bilan durang o‘ynadi

APL. “Manchester Yunayted” safarda “Everton” bilan durang qayd etdi

Angliya Premyer Ligasining navbatdagi turida “Everton” va “Manchester Yunayted” o‘rtasidagi bellashuv yakunlandi. “Hill Dikinson” stadionida o‘tgan keskin uchrashuv 2:2 hisobidagi durang bilan tugadi.

Hisob ikkinchi bo‘lim boshida, aniqrog‘i 46-daqiqada mehmonlar safidagi Brayan Mbemo tomonidan ochildi. Maykl Karrik shogirdlari bu ustunlikni o‘yin oxirigacha saqlab qola olmadi. 83-daqiqada “Everton” futbolchisi Tayrik Jorj hisobni tenglashtirdi.

Durang davom etayotgan pallada 88-daqiqada zaxiradan tushgan Benyamin Sheshko yana “Manchester Yunayted”ni oldinga olib chiqdi. Mankunianliklar g‘alabaga juda yaqin kelgan edi, biroq yakuniy daqiqalarda “Everton” mag‘lubiyatdan qutulib qoldi. Zaxiradan maydonga qo‘shilgan Eynsli Meytlend-Naylz urgan gol hisobni 2:2 ko‘rinishiga keltirdi.

Angliya Premyer Ligasi, 3-tur

“Everton” — “Manchester Yunayted” 2:2

Gollar: 0:1 — Mbemo (46), 1:1 — Jorj (83), 1:2 — Sheshko (88), 2:2 Naylz (90+6)

“Everton”: Jordan Pikford, Vitaliy Mikolenko, Jarrad Brentueyt, Jeyms Tarkovski, Harrison Armstrong, Jeyms Garner (Eynsli Meytlend-Naylz, 77), Maksimilian Ryol (Xeyden Hakni, 75), Tayrik Jorj, Kirnan Dyusburi-Xoll, Brennan Jonson (Jek Grilish, 66), T. Barri.

“Manchester Yunayted”: Lammens, Lyuk Shou, Lisandro Martines, Harri Maguayr, Diogu Dalot (Leni Yoro, 84), Yuri Tilemans, Kobbi Maynu (Andrey Santos, 84), Markus Reshford (Patrik Dorgu, 70), Brunu Fernandesh, Brayan Mbemo, Mateus Kunya (Benyamin Sheshko, 70).