APL. “Arsenal” o‘z uyida “Koventri Siti”ni yirik hisobda mag‘lub etdi

APL. "Arsenal" o'z maydonida "Koventri Siti"ni yirik hisobda mag'lub etdi

Angliya Premyer Ligasining 2026/2027-yilgi mavsumining ochilish turida "Arsenal" o'z uyida "Koventri Siti" ustidan 3:0 hisobida ishonchli g'alabani qo'lga kiritdi. Londondagi "Emireyts" stadionida bo'lib o'tgan ushbu uchrashuvda amaldagi chempionlar mavsumni muvaffaqiyatli boshladi.

O'yinning 15-daqiqasida "Arsenal" hujumchisi Kay Haverts hisobni ochib, mavsumning ilk goliga mualliflik qildi. Oradan sakkiz daqiqa o'tib, 23-daqiqada jamoa vingyeri Bukayo Saka "kanonirlar"ning ikkinchi golini kiritdi. Ikkinchi bo'lim boshida, 49-daqiqada Londonliklar sardori Martin Edegor hisobni 3:0 ko'rinishiga keltirib, jamoasining g'alabasini mustahkamladi.

Mikel Arteta boshchiligidagi jamoa shu tariqa APLni yirik hisobdagi g'alaba bilan boshladi.

Eslatib o'tamiz, o'tgan mavsum yakunlariga ko'ra, Londonning "Arsenal" klubi 85 ochko to'plab, Angliya chempioni bo'lgan edi. "Koventri Siti" esa 95 ochko bilan Chempionship g'olibi bo'lgan.

Keyingi turda "kanonirlar" 31-avgust kuni safarda "Aston Villa"ga qarshi maydonga tushadi. "Osmonranglilar" esa 29-avgust kuni o'z maydonida "Hall Siti"ni qabul qiladi.