APK-fayl orqali yechilgan 6,5 million so‘m egasiga qaytarildi
«Roha-24» degan ilova keldi. Senga jarima bor, deb. Men bilmay turib, o‘sha ilovaga kirib oldim
APK-fayl orqali o‘g‘irlangan 6,5 million so‘m egasiga qaytarildi
Buxoro viloyatida odamlarni turli yo‘llar bilan aldashga qaratilgan kiberfiribgarlik holatlari tez-tez uchramoqda.
Shunday holatlardan biri Buxoro tumanida yuz berdi. Bir fuqaroga Instagram orqali APK-fayl yuborilgan. Ushbu fayl orqali unga «Roha-24» nomli ilovani yuklab olish taklif qilingan. Xabarda go‘yoki uning 10 million so‘m jarimasi borligi aytilgan.
Bunga ishonib qolgan foydalanuvchi ilovani darhol telefoniga o‘rnatib, unga kirgan. Shundan so‘ng uning bank hisob varag‘iga tushishi kutilayotgan pulning 6,5 million so‘mi yo‘qolgan...
«Roha-24» degan ilova keldi. Senga jarima bor, deb. Men bilmay turib, o‘sha ilovaga kirib oldim va yana chiqdim. Hisob raqamimga 9 million so‘m pul tushishi kerak edi. Shundan 6,5 million so‘mini yechib olishgan»,
— dedi jabrlanuvchi.
Bir necha soniyada millionlaridan ayrilgan shaxs darhol ichki ishlar organlariga murojaat qildi. O‘z vaqtida ko‘rilgan choralar tufayli 6,5 million so‘m egasining hisob raqamiga qaytarildi.
Mutaxassislar notanish shaxslardan kelgan APK-fayllarni yuklamaslik, shubhali havolalarga kirmaslik hamda bank kartasi va hisob varaqlariga oid ma’lumotlarni begona shaxslarga bermaslikni tavsiya etishmoqda.