Angor tumanida savdo shoxobchalari alangaga uchradi.
Favqulodda vaziyatlar vazirligi ushbu hodisa tafsilotlarini ma’lum qildi.
Joriy yilning 3-sentyabr kuni Surxondaryo viloyati Favqulodda vaziyatlar boshqarmasiga Angor tumanidagi "Yangiturmush" mahalla fuqarolar yig‘ini, At-Termiziy ko‘chasida joylashgan do‘konda yong‘in sodir bo‘lganligi haqida xabar kelib tushdi.
Ushbu xabar asosida 3 ta qutqaruv bo‘linmasi zudlik bilan voqea joyiga yetib bordi va yong‘inni qisqa muddatda o‘rab olib, bartaraf etdi.
Dastlabki ma’lumotlarga ko‘ra, ikkita kiyim-kechak savdo do‘konining taxminan 35 kvadrat metr maydoni yong‘indan zarar ko‘rgan.
Yong‘in natijasida hech kim tan jarohati olmagan.
Ayni damda yong‘inning kelib chiqish sababi va yetkazilgan zarar miqdori aniqlanmoqda.