Allo, politsiya?
Qozogʻistonda rasman tan olindi: politsiyada xodimlar halokatli darajada yetishmayapti. Ichki ishlar vaziri oʻrinbosari Igor Lepexa «xavfsiz mamlakat» gʻoyasining oʻzini soʻroq ostida qoldiradigan raqamlarni keltirdi. Birgina patrul xizmatiga qoʻshimcha ravishda kamida 10 ming kishi kerak. Mahalliy politsiyadagi umumiy kadrlar tanqisligi esa 20 ming xodimdan oshadi.
Sabablari oddiy va shu bilan birga xavotirli: mamlakat oʻsmoqda, yangi mikrorayonlar, maktablar, uchastqa punktlari paydo boʻlmoqda. Bularning barchasini qoʻriqlashi kerak boʻlgan odamlar esa yoʻq. Lepexa ochiqchasiga tan oldi: real ehtiyoj aytilgan raqamlardan ancha yuqori.
Lekin asosiy savol — buning uchun kim toʻlaydi? Shtatni kengaytirish mahalliy byudjetlar zimmasiga tushadi. Shusiz ham zoʻrgʻa kun koʻrayotgan hokimliklar yangi politsiyachilar uchun mablagʻ topishlari kerak boʻladi. IIV bu jarayon keyingi yildan boshlanishiga umid qilmoqda. ammo moliyalashtirish topilmasa, vaʼdalar qogʻozda qolib ketaveradi.