Alisher Samadov Hisob palatasi raisi lavozimiga tayinlandi
Alisher Samadov O‘zbekiston Hisob palatasi raisi lavozimiga tayinlandi. Bunga qadar u Prezidenti administratsiyasi Huquqiy ekspertiza va kompleks tahlil qilish departamenti boshlig‘i bo‘lgan.
Alisher Samadov Hisob palatasi raisi etib tayinlandi
Prezident matbuot xizmati xabariga ko‘ra, Alisher Samadov O‘zbekiston Hisob palatasi raisi lavozimiga tayinlandi.
U 2025-yil 14-iyuldan buyon Prezidenti administratsiyasi Huquqiy ekspertiza va kompleks tahlil qilish departamenti boshlig‘i sifatida faoliyat yuritib kelayotgan edi. Bundan oldin esa prezidentning huquqiy ekspertiza va kompleks tahlil qilish masalalari bo‘yicha maslahatchisi o‘rinbosari lavozimida ishlagan.
Prezidentning 2025-yil 25-iyuldagi farmoni bilan Hisob palatasiga qo‘shimcha vazifalar yuklatildi. Jumladan, idoraga prezident topshiriqlari doirasida ajratilgan mablag‘larning maqsadli sarflanishini o‘rganish, shuningdek ularning aholi va tadbirkorlar uchun samaradorligini tahlil qilish vazifasi topshirildi. Bundan tashqari, qonunchilik hujjatlari va topshiriqlarning ijro holatini baholash amaliyoti joriy etiladi.