Aleks Volkanovski faoliyatini qachon yakunlaydi?
Aleksandr Volkanovski faoliyatini qachon yakunlaydi?
UFC yarim yengil vazn toifasi chempioni Aleksandr Volkanovski rossiyalik aralash yakkakurash ustasi Movsar Yevloyevga qarshi jangdan so‘ng faoliyatini yakunlashi mumkinligini ma’lum qildi.
Avstraliyalik jangchi hozircha sportni tark etishni rejalashtirmayotganini ta’kidladi. Biroq, agar Yevloyevga qarshi jang uning uchun og‘ir kechsa, faoliyatini yakunlash haqida o‘ylab ko‘rishini bildirdi.
"Agar jang juda yomon kechsa, faoliyatimni yakunlayman. Agar hammasi avvalgi jangimdagidek yaxshi o‘tsa va jarohat olmasam, faoliyatimni davom ettiraman. Men har bir jangdan keyin kelajagim haqida qaror qabul qilaman. Hozircha faoliyatimni yakunlash niyatim yo‘q va davom etishimga deyarli ishonchim komil", dedi yarim yengil vazn toifasi chempioni.
Aleksandr Volkanovski va Movsar Yevloyev o‘rtasidagi jang 24-oktyabr kuni Abu-Dabida UFC 333 turnirining asosiy jangi sifatida o‘tkaziladi.
Yevloyev yarim yengil vazn toifasi reytingida birinchi raqamli da’vogar hisoblanadi va professional faoliyatida 20 ta jangning barchasida g‘alaba qozongan.
37 yoshli Volkanovski esa faoliyatida 28 ta g‘alaba va 4 ta mag‘lubiyat qayd etgan. U so‘nggi jangini 2026-yil 1-fevral kuni UFC 325 turnirida meksikalik Diego Lopesga qarshi o‘tkazgan. Jang to‘liq besh raund davom etgan. Yakunda avstraliyalik jangchi hakamlarning yakdil qarori bilan g‘alaba qozongan edi.