Aktrisa Selma Bler samoletdagi janjal boʻyicha «hech kimga ozor berishni niyat qilmaganini» aytdi
Aktrisaning publitsisti hodisa «tibbiy shoshilinch holat» sababli yuz berganini va unda nazorat qilib boʻlmaydigan reaktsiyalarni keltirib chiqarishi mumkin boʻlgan nevrologik kasallik borligini aytdi.
Aktrisa Selma Bler samolyotdagi janjalda «hech kimga ozor berishni niyat qilmaganini» aytmoqda
AQSh aktrisasi Selma Bler Nyu-Yorkga uchayotgan samolyotda bir necha kishiga hujum qilganlikda ayblanganidan keyin javob qaytardi.
«Zakonnaya blondinka» (Qonuniy blondinka) yulduzining publitsisti uning «hech kimga ozor berish niyati boʻlmaganini» va «bu voqeaning biz bilmagan tomonlari juda koʻpligini» aytdi. Bayonotda aytilishicha, Bler «parvoz paytida favqulodda tibbiy holatni boshidan kechirgan» va hali ham tarqoq skleroz (MS) bilan kurashmoqda.
Qayd etilishicha, 54 yoshli Blerda nevrologik kasallik bor boʻlib, bu «uni tanimaydigan odamlarga tibbiy xuruj qanday koʻrinishiga bevosita taʼsir qiladi».
Yulduz samolyotdan tushirilganidan keyin zobit va hamshiraga hujum qilganlik ayblovini tan olmadi. U, shuningdek, bortdagi ikki nafar bort kuzatuvchisiga hujum qilganlikda ham ayblangan edi.
BBC’ga berilgan bayonotda Blerning jamoasi Delta Airlines aviakompaniyasining Nyu-Yorkga uchayotgan samolyotida sodir boʻlgan voqea haqidagi jamoatchilik talqini «dearli butunlay politsiya bayonoti va oʻn yillik sarlavhaga asoslanib tuzilganini» aytdi.
Shuningdek, ular uning samolyot eshigini ochishga uringani haqidagi ommaviy axborot vositalari xabarlarini rad etdilar.
Publitsist Blerning 2018 yilda aktrisa oshkora maʼlum qilgan surunkali xastalik — tarqoq skleroz (MS) bilan kurashayotganiga eʼtibor qaratdi. U 2021 yilda kasallik remissiya bosqichida ekanini aytgan edi, ammo bayonotda «Hellboy» va «Jestokiye igri» (Shafqatsiz oʻyinlar) yulduzida «hali ham yomon kunlar boʻlib turishi» aytiladi.
AQSh Milliy sogʻliqni saqlash institutlari maʼlumotlariga koʻra, unda psevdobulbar sindrom (PBA) ham bor — bu miya jarohati yoki asosiy nevrologik buzilishlar fonida rivojlanadigan kasallikdir.
Bu buzilish hissiy ifodaga taʼsir qiladi va odamning haqiqiy hissiyotlariga mos kelmaydigan toʻsatdan, ixtiyorsiz va nazorat qilib boʻlmaydigan kulish, yigʻlash yoki jahl chiqishi xurujlariga olib kelishi mumkin.
U Blerning MS tashxisi qoʻyilganidan beri erishgan jismoniy yutuqlarini «haqiqiy moʻʼjiza» deb taʼrifladi va u hali ham har kuni ogʻriq bilan yashashini aytdi.
«Selma yakshanba oqshomigacha hech qachon hibsga olinmagan edi», deyiladi bayonotda. «Bu voqeada xabar qilinganidan koʻra koʻproq narsa bor va biz sud zalida boʻladimi yoki jamoatchilik fikri sudida boʻladimi, shoshma-shosharlik bilan hukm chiqarishdan oldin barcha faktlarni hisobga olishni soʻraymiz.»
Voqea yakshanba kuni kechqurun Los-Anjelesdan Nyu-Yorkga uchayotgan samolyotda sodir boʻlgan. Nyu-York aeroporti mutasaddilari Delta Airlines samolyotida «jismoniy zoʻravonlik qilayotgan yoʻlovchi» haqidagi chaqiruvga javob berishgan. Ikki nafar bort kuzatuvchisi jarohat olgan va bir kishi kasalxonaga yotqizilgan, deb xabar berdi Nyu-York port boshqarmasi.
BBC’ning AQShdagi hamkori CBS News qoʻlga kiritgan havo harakatini boshqarish xizmatining audioyozuviga koʻra, uchuvchi «qonayotgan burun» va «baʼzi tishlash izlari»ni taʼriflab, tibbiy yordam soʻragan.
Bler hibsga olindi va kasalxonaga olib borildi. Unga FQB tomonidan AQShning maxsus dengiz va hududiy yurisdiktsiyasi doirasida bortdagi janjalga aloqador hujum qilish ayblovi boʻyicha federal chaqiruv qogʻozi berildi.
Qoʻshimcha ikkita hujum qilish ayblovi u samolyotdan tushirilganidan keyin shtat sudida kiritilgan. U ushbu ayblovlar boʻyicha aybini tan olmadi va garov evaziga ozod qilindi.