Afrikadan Kanar orollariga borishga uringan 80 muhojir qurbon bo‘ldi
Associated Press agentligining xabar berishicha, ispan dengizchilari 44 kishini qutqarishga muvaffaq bo‘lishgan.
Afrikadan Kanar orollariga yetib borishga urinayotgan 80 muhojir halok bo‘ldi
Gambiyadan qayiqda Kanar orollariga borishga uringan qariyb 80 nafar noqonuniy muhojir vafot etdi. Bu haqda Sky News payshanba kuni Ispaniya dengiz qutqaruv xizmatiga tayanib ma’lum qildi.
«Biz qayiqda sayohat qilgan 128 immigrantdan 80 ga yaqini halok bo‘lganini aniqladik», deb xabar berdi kanal Ispaniya davlat xizmatidan iqtibos keltirgan holda.
Avvalroq Ispaniya dengiz qutqaruv xizmati o‘z samolyotlaridan biri o‘tgan kuni Gran Kanariyadan taxminan 120 kilometr janubda suzib ketayotgan kemani ko‘rganini bildirgan edi. Sky News xabariga ko‘ra, kemada Sahroi Kabirdan janubiy Afrikadan kelgan bir guruh noqonuniy muhojirlar bo‘lgan.
Associated Press agentligining yozishicha, ispan dengizchilari 44 kishini qutqarishga muvaffaq bo‘lishgan.
Agentlik ta’kidlashicha, so‘nggi yillarda o‘n minglab noqonuniy muhojirlar Kanar orollariga yetib borishga urinish chog‘ida halok bo‘lgan yoki bedarak yo‘qolgan. Ba’zi qayiqlar yo‘nalishdan adashib, Atlantika okeani orqali Shimoliy va Janubiy Amerika qirg‘oqlarigacha suzib ketgan.