A men «xitoyliklar»ni yaxshi koʻraman
Oʻzbekistonga elektromobillar bozorini rivojlantirishga nima xalaqit bermoqda?
Men esa «xitoyliklarni» yaxshi koʻraman
Oʻzbekiston 2026 yilda elektr transportining tarqalishi reytingida Irlandiyani ortda qoldirib, 19-oʻrinni egalladi, deyiladi Kept kompaniyasi hisobotida. 2024 yilda OʻzR 14-pozitsiyada edi.
Reytingda birinchi oʻrinni 78 ball toʻplagan Xitoy egalladi. Ikkinchi pogʻonadan 69 ball bilan Janubiy Koreya, uchinchisidan esa 67 ball bilan Germaniya joy oldi. Kuchli beshlikka, shuningdek, tegishlicha 66 va 65 ball olgan Hindiston va AQSh ham kirdi. Qozogʻiston 40 ball natija bilan 18-oʻrinni egalladi.
Markaziy Osiyoda elektromobil ishlab chiqarish boʻyicha yetakchilikka qaramay, Oʻzbekiston quvvatlash stantsiyalari tanqisligini boshdan kechirmoqda. Bundan tashqari, Oʻzbekistonda elektromobillar bozori rivojlanishiga akkumulyatorlar mahalliy ishlab chiqarilishining va jamoat elektr transportining yoʻqligi, shuningdek, sohani davlat tomonidan qoʻllab-quvvatlash choralarining cheklangani toʻsqinlik qilmoqda.
Oʻzbekistonda 100 minggacha elektromobil mavjud
Tadqiqotga koʻra, Oʻzbekistondagi elektromobillar parki 50 dan 100 mingtagacha mashinani tashkil etadi. Ushbu koʻrsatkich boʻyicha mamlakat Malayziya va Rossiya bilan bir goʻruhda joylashgan. Taqqoslash uchun, Qozogʻistonda 30 dan 50 mingtagacha elektromobil bor.
Infratuzilmani rivojlantirish kategoriyasida Oʻzbekiston mumkin boʻlgan 20 balldan bor-yogʻi ikki ball oldi. Qozogʻiston ushbu kategoriyada birorta ham ball toʻplay olmadi.
Oʻzbekiston elektrokarlar ishlab chiqarish boʻyicha Markaziy Osiyoda yetakchilik qilmoqda
Umumiy reytingda mamlakat yuqori boʻlmagan oʻrinni egallagan boʻlsa-da, Oʻzbekiston elektromobillar va gibridlar ishlab chiqarish boʻyicha Markaziy Osiyo yetakchisiga aylandi. Kept maʼlumotlariga koʻra, mamlakatda Xitoyning BYD va Leapmotor ishlab chiqaruvchilari loyihalari amalga oshirilmoqda. Ularning umumiy ishlab chiqarish quvvati yiliga 70 mingta avtomobilni tashkil etadi. Shu bilan birga, BYD 2030 yilga kelib ishlab chiqarishni 200 mingta avtomobilgacha oshirishni rejalashtirmoqda.
Qozogʻistonda ham elektromobillar chiqarishga tayyorgarlik koʻrilmoqda. U yerda Li Auto va BYD loyihalari amalga oshirilmoqda, ularning seriyali ishlab chiqarilishi 2027 yilda boshlanishi kerak.
Kept tadqiqoti dunyoning 30 ta mamlakatidagi «yashil» transport bilan bogʻliq vaziyatni tahlil qiladi. Reytingni tuzishda elektrokarlar soni, quvvatlash stantsiyalarining rivojlanishi va davlat imtiyozlari hisobga olingan. Hisob-kitoblar uchun 2026 yilning iyul holatiga koʻra dolzarb boʻlgan maʼlumotlardan foydalanilgan.