2026 yilning birinchi yarim yilligi uchun davlat byudjetining ijrosi. Defitsit 14 trln soʻmgacha qisqardi
Birinchi yarim yillik yakunlariga koʻra, konsolidatsiyalashgan byudjet daromadlari 287,2 trln soʻmni, xarajatlari esa 301,2 trln soʻmni tashkil etdi. Byudjet taqchilligi 13,9 trln soʻm darajasida yoki YAIMga nisbatan 0,7 foiz miqdorida shakllandi. Taqqoslash uchun: 2025 yilning shu davrida taqchillik 32,6 trln soʻmni tashkil etgan edi.
Davlat byudjetining 2026 yil birinchi yarim yilligidagi ijrosi. Defitsit 14 trln soʻmgacha kamaydi
2026 yilning birinchi yarim yilligida Oʻzbekiston konsolidatsiyalashgan byudjetining defitsiti YAIMga nisbatan 0,7 foizni tashkil etdi. Bu haqda 15 sentyabr kuni Oliy Majlis Qonunchilik palatasi yigʻilishida Bosh vazir oʻrinbosari, iqtisodiyot va moliya vaziri Jamshid Qoʻchqorov maʼlum qildi.
Qayd etilishicha, hisobot davrida iqtisodiy oʻsish 8,5 foizga yetgan.
Bunda bozor xizmatlari 16,9 foizga, qurilish — 13,3 foizga, sanoat — 8 foizga, qishloq xoʻjaligi — 4,7 foizga oshgan.
Yanvar-iyun oylarida davlat byudjeti daromadlari 207 trln soʻmni tashkil etdi. Bu oʻtgan yilning shu davriga nisbatan 43,7 foizga yoki 63 trln soʻmga koʻpdir. Ushbu summaning 149 trln soʻmi Soliq qoʻmitasi tushumlariga, 41 trln soʻmi esa bojxona tushumlariga toʻgʻri keladi.
Birinchi yarim yillikda jismoniy shaxslardan olinadigan daromad soligʻi boʻyicha tushumlar 18,5 foizga, QQS boʻyicha — 21 foizga, aktsiz soligʻi boʻyicha — 12 foizga, mol-mulk va yer soliqlari boʻyicha — 25,5 foizga oshdi. Eng sezilarli oʻsish foyda soligʻi tushumlarida kuzatildi — 2,3 baravar. Bu oltin narxining prognoz qilinganidan yuqori boʻlgani, shuningdek, tannarxning pasayishi hisobiga korxonalarning moliyaviy natijalari yaxshilangani bilan bogʻliq.
2026 yilning dastlabki 6 oyida davlat byudjeti xarajatlari qariyb 206 trln soʻmni tashkil etdi, bu bir yil oldingiga nisbatan 32 trln soʻmga koʻpdir.
Xususan, taʼlim sohasiga 49,5 trln soʻm yoʻnaltirildi. Bu 2025 yilning shu davriga nisbatan 5,4 trln soʻmga koʻpdir. Shuningdek, sogʻliqni saqlashga 23 trln (+2,8 trln), sportga esa 2 trln soʻmdan ortiq mablagʻ ajratildi.
Hisobot davrida qishloq va suv xoʻjaligiga 8 trln soʻmdan ortiq, nafaqalar, moddiy yordam va kompensatsiyalarga esa qariyb 7,3 trln soʻm ajratildi.
Birinchi yarim yillik yakunlariga koʻra, konsolidatsiyalashgan byudjet daromadlari 287,2 trln soʻmni, xarajatlari esa 301,2 trln soʻmni tashkil etdi. Byudjet defitsiti 13,9 trln soʻm yoki YAIMga nisbatan 0,7 foiz darajasida shakllandi. Taqqoslash uchun: 2025 yilning shu davrida defitsit 32,6 trln soʻmni va 1,8 foizni tashkil etgan edi.