1 iyuldan Oʻzbekistonda energiya tariflari uchun yagona raqamli platforma ishga tushiriladi
2027 yil 1 iyuldan Oʻzbekistonda yoqilgʻi-energetika sohasida tariflarni shakllantirish va nazorat qilishning yagona raqamli platformasini joriy etish rejalashtirilmoqda. Bu Prezidentning 2026 yil 22 sentyabrdagi PF-202-sonli farmonida koʻzda tutilgan. Platforma tarif buyurtmanomalarini va hisob-kitoblar uchun zarur boʻlgan maʼlumotlarni elektron shaklda qabul qiladi. Tariflarni hisoblab chiqishni tasdiqlangan tartib asosida avtomatlashtirish rejalashtirilgan. Shuningdek, tizim […]
2027 yil 1 iyuldan Oʻzbekistonda yoqilgʻi-energetika sohasida tariflarni shakllantirish va nazorat qilish boʻyicha yagona raqamli platformani joriy etish rejalashtirilmoqda. Bu Prezidentning 2026 yil 22 sentyabrdagi PF-202-sonli farmonida koʻzda tutilgan.
Platforma tarif talabnomalari va hisob-kitoblar uchun zarur boʻlgan maʼlumotlarni elektron shaklda qabul qiladi. Tariflarni hisoblash jarayonini tasdiqlangan tartib asosida avtomatlashtirish rejalashtirilgan.
Bundan tashqari, tizim tarif talabnomalarini tekshiradi va qabul qilinayotgan qarorlar korxonalarning moliyaviy barqarorligi hamda byudjetga qanday taʼsir koʻrsatishini baholaydi. Tariflarni koʻrib chiqish, tuzatish kiritish va kelishish jarayonlari raqamli formatga oʻtkaziladi.
Shuningdek, tariflarni davlat tomonidan tartibga solish boʻyicha yagona elektron maʼlumotlar bazasi yaratiladi. Platforma elektr energiyasi, tabiiy va suyultirilgan gaz isteʼmolchilaridan tushadigan mablagʻlar taqsimlanishining shaffofligini taʼminlashi lozim.
Shu farmon bilan yirik isteʼmolchilar uchun elektr energiyasi qiymatini kunning vaqtiga qarab hisoblash tartibi ham oʻzgartirildi. Soat 09:00 dan 17:00 gacha ular uchun 1,5 kamaytiruvchi koeffitsiyent amal qiladi.