1-bosqich talabalari uchun yotoqxonaga ariza berish boshlandi
2026-2027 o‘quv yilida OTMning 1-bosqichiga tavsiya etilgan abituriyentlar uchun talabalar turar joyiga joylashish bo‘yicha ariza topshirish xizmati ishga tushirildi. Arizalar 18-avgustdan Davlat xizmatlari markazlari yoki my.gov.uz portali orqali qabul qilinadi.
1-bosqich talabalari uchun yotoqxonaga ariza topshirish jarayoni boshlandi.
Birinchi bosqichga tavsiya etilgan abituriyentlar endilikda talabalar turar joyiga joylashish uchun ariza topshirish imkoniyatiga ega. Arizalar Davlat xizmatlari markazlari orqali yoki my.gov.uz yagona interaktiv davlat xizmatlari portali orqali qabul qilinadi.
Talabalarni yotoqxonalarga joylashtirish belgilangan tartib-qoidalar va mavjud bo‘sh o‘rinlar asosida amalga oshiriladi. Amaldagi reglamentga ko‘ra, avval imtiyoz va ustuvorlikka ega bo‘lgan talabgorlar talabalar turar joylariga qabul qilinadi. Shundan so‘ng, qolgan bo‘sh o‘rinlar umumiy ro‘yxatdagi talabalarga navbat asosida taqsimlanadi.
Qayd etilishicha, 1-kurs talabalari uchun talabalar turar joylaridagi o‘rinlarning 55-65 foizgachasi ajratilishi belgilangan.
Shu tariqa, 2026-2027 o‘quv yilida birinchi bosqichga o‘qishga tavsiya etilgan talabgorlar 18-avgustdan boshlab yotoqxonaga joylashish uchun elektron tarzda yoki Davlat xizmatlari markazlari orqali murojaat qilishlari mumkin.